سەرنووچە:

حەفت دەرمانخانە و جهێن نوژداری هاتنە سزادان

بسەدەما گرانکرنا بهایێ کەمامان
فۆتۆ: 
2020-02-23

520 جار خوێندراوەتەوە

ئەڤرۆ لیژنا دوفچوونا بازارێ دهۆکێ سەرەدانا  ١٥ دەرمانخانە و نڤێسنگەهێن فروتنا کەرستێن نوژداران کرن،  حەفت دەرمانخانە و جهێن کەرستێن نوژداری هاتنە سزادان.

یوسف محەمەد حەسەن، سەروکێ لیژنا دوفچوونا بازارێ دهۆکێ بو ئێن ئاڕ تی  ئاشکراکر، ئەڤرویەکشەمبێ ٢٣ێ سباتا ٢٠٢٠ێ پشتی ڤان رۆژان هندەک دەرمانخانان و جهێن جودا گرانکرنا کەمامان (ماسک) ب دەلیڤە زانی، وان سەرەدانا    دەرمانخانە و نڤێسنگەهێن فروتنا کەرستێن نوژداران ل سەنتەرێ باژێرێ دهوکێ کر، پشتى دوفچوونەکا هوور حەفت دەرمانخانە و جهێن کەرستێن نوژداری هاتنە سزادان.

ئەو دەرمانخانەیێن هاتینە سزادان ئەڤە نە:

ـ دەرمانخانا ( ئازا و رەند ) هاتنە سزادان هەر ئێک ب کوژمێ ٥۰۰ هزار دیناران، ژبەر کو کەرستێن (تعقیم)ێن دەستان ب گرانی  د فرۆتن.

. ـ  دەرمانخانا( شیفا ) هاتە داخستن، ژبەر کو بهایێ کەمامان (ماسک) گەلەک گران کربوو

ـ دەرمانخانا ( گولستان) هاتە سزادان ب کوژمێ (٥۰۰) هزار دیناران، ژبەرکو حەفازێن زارۆکا یێن ئکسپایر دفروتن.

ـ نڤێسنگەها( بروفیشنال )یا فروتنا کەرستێن نوژداری هاتە داخستن، ژبەر کو بهایێ کەمامان(ماسک)گەلەک گران کربوون.

ـ دەرمانخانێن (جیهان و ڤین) هاتنە سزادان هەر ئێک ب گوژمێ یەک ملیۆن دیناران، ژبەر کو تارادەیەکێ بهایێ کەمامان (ماسک)گران کربوون.

هەرەسا سەروکێ لیژنا دوفچوونا بازاری راگەهاند ژى، ئەڤرو سپێدێ ژی ب بەرهەڤبوونا قائیمقامێ قەزا دهوکێ پێنج جهێن دی هاتبونە داخستن و گوت، دوفچوون دێ یا بەردەوام بیت و هەر جهەکێ پێگریێ ب رێنمایان نەکەت دێ هێتە سزادان.

ئەڤە ژى د دەمەکی دایە پشتى بەلاڤبوونا ڤایرۆسێ کۆرۆنا بۆ ئیرانێ و حکومەتا هەرێمێ رێکارێن توند لهەمبەر پاراستنا وەلاتیان ژ وی ڤایرۆسی گرتینە بەر، دەما چەند رۆژانە وەلاتیێن هەرێمێ ب ئاوایەکێ بەرچاڤ سەرەدانا دەرمانخانان کریە بۆ کرینا کەمامان و ئەڤ یەکە ژى بوویە دەرلیڤە بوو گرانکرنا کەمامان.