سەرنووچە:

کازم فارۆق: خەلک بسەدەما گەندەلیێن دەستهەلاتێ دهێتە کوشتن نە خونیشاندانان

فۆتۆ: 
2020-02-23

195 جار خوێندراوەتەوە

سەرۆکێ فراکسیۆنا نەوەى نوێ راگەهاند، چ کەسەک ل هەولێرێ بسەدەما خونیشاندانێ نەبوویە قوربانى، لێ بسەدەما بوویەرێن هاتنوچوونێ بتنێ ل هەولێرێ د دەما ٢٤ دەمژمێرێن دەربازبووى دا سێ کەسان ژیانا خۆ ژدەست دانە و پێنج ژى برینداربوونە.

کازم فارۆق سەرۆکێ فراکسیۆنا نەوەى نوێ ل پەرلەمانێ کوردستانێ راگەهاند، چ کەسەک ل چ باژارەکێ هەرێما کوردستانێ بسەدەما خونیشاندانان نەبوونە قوربانى و هەیا یەک کەس ژی بریندار نەبوویە.

گوت ژى، "بتنێ د ٢٤ دەمژمێرێن دەربازبووى دا بسەدەما بوویەرێن هاتن و چوونێ ژیانا خۆ ژدەست دانە و پێنج ژى برینداربوونە، پشکەکا زێدە ژى بسەدەما خرابیا رێک و پرانێن ڤێ دەستهەلاتێ نە، هەروەسا بسەدەما پەنجەشێرێ د ٢٤ دەمژمێران دا ل کوردستانێ ٥ کەسان ژیانا خۆ ژ١دەست دانە و پشکەک ژ وان ژى بسەدەما دوکێل و پیسی و دەرمانێن بێ کوالێتیێن کومپانیێن سەر ب دەستهەلاتێ ڤە".

سەرۆکێ فراکسیۆنا نەوەى نوێ گوت ژى، " چەند بۆ دەرڤەی وەلاتی چوونە و چێدبیت برێکان ڤە ببنە قوربانی، هەڤئاوایێ چەندین گەنجێن دی یێن هەرێمێ کو حکومەت ب گڤاشتنێن بێکاری و بێ خزمەتگوزاریان  نەچارکرینە ولاتی بجهـ بهێلن".

دازانین ژى، "پارتی و یەکێتی بەردەوام دخوازن رێکێن مەدەنی ل بەرچاڤێن وەلاتیان نەشرین بکەن و خەلکی بێهیڤی بکەن،  لێ خەلک ژ وێ یەکێ هشیارترە و د خونیشاندانا دوهی دا مە پەیاما خۆ گەهاندە دەستهەلانو دێ د بەردەوام بین".