سەرنووچە:

پەرلەمانتارەک: ڕۆنشتنا سوبەهی یا پەرلەمانێ عێراقێ ناهێتە کرن

ژبەر لهەڤنەهاتنا ئالیێن سیاسی
فۆتۆ: 
2020-02-23

217 جار خوێندراوەتەوە

پشتی کو سەرۆک وەزیرێ ئەرکدارکریێ عێراقێ داخواز ژ ئەندامێن پەرلەمانی کر سوبەهی دووشەمبیێ بۆ دەنگدان لسەر کابینەیا نوو یا حکومەتێ بەرهەڤی ڕۆنشتنا پەرلەمانی بن، پەرلەمانتارەکێ ڕاگەهاند، ڕۆنشتنا سوبەهی بڕێڤەناچیت.

مەریوان نادر پەرلەمانتارێ عێراقێ بۆ ئێن ئاڕ تی ڕاگەهاند، ڕۆنشتنا سوبەهی یا پەرلەمانێ عێراقێ بڕێڤەناچیت و دێ هێتە پاشخستن، ژبەر کو هەیا نها ئالیێن سیاسی لسەر پۆستێن وەزاری لهەڤنەهاتنە و بۆ وێ مەرەمێ ژی ڕۆنشتن و دانوستان د ناڤبەرا ئالیێن سیاسی و سەرۆک وەزیرێ نوو دا بەردەوامە، ژبەر وێ یەكێ ب دوور زانی ڕۆنشتنا سوبەهی یا پەرلەمانی بهێتە ئەنجامدان.

دازانین ژی، ئەگەر ڕێژەیا یاساییا ئەندامێن پەرلەمانی بەرهەڤ بن چێدبیت ڕۆژا چارشەمبیا داهاتی ڕۆنشتن بڕێڤەبچیت.

س.م