سەرنووچە:

حکومەتا چینێ زانیاریەکا مەترسیدار لسەر کۆرۆنایێ ئاشکراکر

ڕێکارێن ڕێگریکرن ژ بەلاڤبوونا کۆرۆنایێ
فۆتۆ: 
2020-02-23

2596 جار خوێندراوەتەوە

حکومەتا چینێ راگەهاند، بۆ پشتراستبوون ل توشنەبوون ب کۆرۆنایێ پێدڤیە گۆمانلێکری بۆ دەما مەهەکێ دبن چاڤدێریێ دا بهێتە دانان، نەک ١٤ ڕۆژان.

بەرپرسێن ساخلەمیا چینێ لسەر دیاربوونا نیشانەیێن توشبوون ب کۆرۆنایێ راگەهاندنە، بەرێ حالەتێن گۆمانکرن ب تنێ بۆ دەما ١٤ ڕۆژان دخستن بن چاڤدێریێ، لێ دیاربوو کو بۆ دەستنیشانکرنا نیشانەیێن ڤایرۆسێ داکو گەشە بکەت و هێرش بکەتە سەر کۆئەندامێن هەناسێ پێدڤی ب ٣٠ ڕۆژانە، نە ١٤ ڕۆژان.

حکومەتا پەکین لسەر وێ مژارێ ئاماژە ب حالەتەکی کریە کو زەلامەک خەلکێ پارێزگەها هوبە یا وی ولاتیە و تۆشی ڤایرۆسێ بوویە لێ پشتی ٢٧ ڕۆژان نیشانەیێن ڤایرۆسێ تێدا دیاربوونە.

ئەڤە ژی د دەمەکێ دایە، لگۆری ئامارێن هەری نوو هەیا نها هەژمارا وان کەسێن ب ڤایرۆسا کۆرۆنایێ ل چینێ جانێ خوە ژ دەست دانە بۆ دوو هزار و ٤٤٢ کەسان و هەژمارا تۆشبوویان ژی بۆ ٧٩ هزار و ٩٣٦ کەسان بلندبوویە.

س.م