سەرنووچە:

ئیران.. سێ کەسێن دی ژبەر کۆرۆنایێ ژیانا خۆ ژ دەستدان

توشبوون ژی گەهشت ٤٣ کەسان
فۆتۆ: 
2020-02-23

691 جار خوێندراوەتەوە

پەیڤدارێ وەزارەتا ساخلەمیا ئیرانێ ڕاگەهاند، سێ کەسێن دی ل ئیرانێ ژبەر ڤایرۆسا کۆرۆنایێ ژیانا خۆ ژدەستدان و ب ڤێ یەکێ ژی هەژمارا جان ژ دەستدانێ بۆ هەشت کەسان بلندبوو.

کیانوش جەهانپور پەیڤدارێ وەزارەتا ساخلەمیا ئیرانێ ڕاگەهاند، د دەما ٢٤ دەمژمێران دا سێ کەسان ژبەر کۆرۆنایێ ژیانا خۆ ژ دەستدانە.

دیارکر ژی، هەر د ٢٤ دەمژمێرێن دەربازبوویی دا ١٥ حالەتێن توشبوونێن نوو کو حەفت ژ وان ل باژاڕێ قوم و چار ل تەهرانێ و دوو ژی ل گیلان و یەک ل تەنیکابوون و یەکێ دی ل مەرکەزی بوونە و د نها دا ژی ئامارا فەرمیا توشبوویان گەهشتیە ٤٣ کەسان.

ئەڤە ژی دەمەکێ دایە، دەما چەند ڕۆژانە ئەو ڤایرۆسە ل ئیرانێ بەلاڤبوویە و ب وێ سەدەمێ ژی هەرێم و عێراقێ تەڤاهیا دەرازینکێن سنوریێن خۆ دگەل وی ولاتی داخستن.

س.م