سەرنووچە:

ساخلەمیا هەرێمێ: چ حالەتەکێ گومانلێکری ب ڤایرۆسێ کۆرۆنایێ د هەرێمێ دا نینە

فۆتۆ: 
2020-02-21

494 جار خوێندراوەتەوە

پەیڤدارێ وەزارەتا ساخلەمیێ ڕاگەهاند، چ حالەتەکێ توشبووی یان گومانلێکری ب تووشبوون ب ڤایرۆسێ کۆرۆنایێ ل پارێزگەهێن ھەرێما کوردستانێ نەهاتنە تۆمارکرن و نینە.

محەمەد قادر پەیڤدارێ وەزارەتا ساخلەمیا حکومەتا هەرێمێ ب دیجیتال میدیایا ئێن ئاڕ تى ڕاگەهاند ،" هەموو ڕێکار ل دژى ڤایرۆسێ کۆرۆنایێ ژ ئالیێ وەزارەتا ساخلەمی و ئالیێن پەیوەندیدار ڤە گرتنەبەر و رێ ناهێت دان گەشتیارێن وڵاتێ ئیرانێ بهێنە ناڤ هەرێمێ".

ڕاگەهاند ژی ،" تیمەکا وەزارەتا ساخلەمیێ کو ژمارەیا وان ٢٥ کەسن ژ ئالیێ ڕێکخراوا ساخلەمیا جیهانی ڕاهێنان پێ هاتیەکرن ل تەڤایا دەڤەرێن هەرێمێ هاتنە بەلاڤکرن ب مەرەما پشکنینێ بۆ وان کەسێن دهێنە ناڤ هەرێمێ".

ئاماژە کر ژی،" دگەل وەزارەتا ساخلەمیا عێراقێ هەڤبەندیا بەردەوام هەیە و د نها دا تەڤایا پێدڤیێن نۆژداری بۆ پشکنینێ بەردەستن ".