سەرنووچە:

یەکەم حالەتێ توشبوویێ کۆرۆنا ل لوبنان هات تۆمارکرن

فۆتۆ: 
2020-02-21

238 جار خوێندراوەتەوە

وەزیرێ ساخلەمیا لوبنان یەكەم حالەتێ توشبوونێ ب ڤایرۆسێ كۆرۆنایێ ل وی ولاتی راگەهاند.

حەسەن حەمد وەزیرێ ساخلەمیا لوبنان د کۆنفرانسەکێ نووچەیی دا راگەهاند، لیژنەیا نیشتیمانی بۆ نەهێلانا كۆرۆنایێ یەكەم حالەتێ توشبوونێ ب وی ڤایرۆسی ل لوبنان تۆماركرنە.

وەزیرێ ساخلەمیا لوبنان ئاماژە كریە ژی، ئەو حالەت ژنەكا تەمەن ٤٥ سالە و سەردانا باژارێ قوم کریە و د نها دا بۆ نەخۆشخانەىا رەفیق حەریری ل بەیروت هاتیە شاندن و دبن چاڤدێریا نۆژداری دایە.

ئاماژە کریە ژی ، ل لوبنان دوو حالەتێن گومانكری هاتنە تۆماركرن و ب مەرەما چاڤدێریكرنێ بۆ هەمان نەخۆشخانەیێ هاتیە شاندن، گوت ژی، تەڤاهیا وان كەسێن ل ئیرانێ دچنە لوبنان بۆ دەما دوو حەفتیان دبن چاڤدێریا نۆژداری دا دمینن.