سەرنووچە:

ئیران.. هەژمارا جان ژدەست دان ب کۆرۆنایێ بلندبوو

بەردەوامیا بەلاڤبوونا کۆرۆنایێ ل جیهانێ
فۆتۆ: 
2020-02-21

1461 جار خوێندراوەتەوە

وەزارەتا ساخلەمیا ئیرانێ راگەهاند، دوو توشبوویێن دی یێن ڤایرۆسێ کۆرۆنا ژیانا خۆ ژدەستدان و ب ڤێ یەکێ ژی هەژمارا وان کەسێن ژبەر وێ ڤایرۆسێ ژیانا خۆ ژدەست داین بۆ چار کەسان، هەژمارا توشبوویان ژی بۆ ١٣ کەسان بلندبوو.

لگۆری ڕاگەهاندنا وەزارەتا ساخلەمیا ئیرانێ، حەفت حالەتێن توشبوون ب کۆرۆنایێ ل باژاڕێ قوم و چار کەس ژی ل تەهران و دوو کەسێن دی ژی ل پارێزگەها جیلان یا باکورێ وی ولاتی هاتنە تۆمارکرن.

بەحسا وێ یەکێ ژی کر، پڕانیا وان کەسێن کو توشی ڤایرۆسێ بوونە یان ئاکنجیێن باژاڕێ قومن یان ژی د چەند ڕۆژێن دەربازبوویی دا سەرەدانا وی باژاری کرینە.

ئەڤە ژی دەمەکێ دایە، ڕۆژا ١٩ێ سباتا ٢٠٢٠ێ وەزارەتا ساخلەمیا ئیرانێ جان ژ دەستدانا دوو کەسان ل باژاڕێ قوم و توشبوونا پێنج کەسێن دی ب ڤایرۆسا کۆرۆنایێ ڕاگەهاند و دەواما تەڤاهیا قوتابخانە و زانینگەهێن قوم ژی ڕاگرتن.

س.م