سەرنووچە:

ل نێزیکی تونێلا زاخۆ د بوویەرەکا هاتن و چوونێ دا ٣ کەس برینداربوون

 ترۆمبێلەک وەرگەریا
فۆتۆ: 
2020-02-17

669 جار خوێندراوەتەوە

ئەڤرۆ لسەر جادا سەرەکی یا دهۆک بۆ زاخۆ بوویەرەکا هاتن و چوونێ روودا و سێ کەس برینداربوو.

ئازاد تاها پەیڤدارێ هاتن و چوونا دهۆکێ بۆ ئێن ئاڕ تی راگەهاند،  ئەڤرۆ دووشەمبێ ١٧ێ سباتا ٢٠٢٠ێ لسەر جاددەیا سەرەکی یا  دهۆک بۆ زاخۆ نێزیک تونێلا گەلیێ زاخۆ بوویەرەکا هاتن و چوونێ روودا و  د ئەنجام دا ٣ کەس برینداربوون.

پەیڤدارێ هاتن و چوونا دهۆکێ دازانین ژی، ترۆمبێلەکا بارهلگر تۆیۆتا پیک ئەپ  ب رەنگێ سپی ل بن کونترولا شوفێر دەرکەت وەرگەریا، زیانێن ماددی یێن مەزن ب ترۆمبێلێ کەتنە.

ئەڤە ژی دەمەکێ دایە، لگۆری ئامارێن هاتن و چوونا هەرێمێ، د سالا ٢٠١٩ێ دا زێدەتری چار هزار و ٤٠٠ بوویەرێن هاتن و چوونێ ل هەرێما کوردستانێ ڕوودانە و ب وێ سەدەمێ ژی ٥٧٥ کەسان ژیانا خۆ ژ دەستدانە.