سەرنووچە:

عوسمان ئۆجەلان چەند نهێنیێن ژیانا عەبدولا ئۆجەلانی ئاشکرا دکەت

فۆتۆ: 
2020-01-28

793 جار خوێندراوەتەوە

عوسمان ئۆجەلان چەند نهێنیێن ژیانا عەبدولا ئۆجەلانی و مالباتا وی و سەدەمێ ژن نەئینانا برایێ خۆ ئاشکرا دکەت.

عوسمان ئۆجەلان، د بەرنامەیێ ١٨٠ێ ئێن ئاڕ تی دا، بەحسا ژیانا برایێ خۆ دکەت و د بێژیت،" عەبدولا ئۆجەلانی ژ پێخەمەت خەبات و تێکۆشانی پرۆسەیا هەڤژینیێ پێکنەئانیە".

بەحسا وێ یەکێ ژی کر، دایکا وان د زارۆکینیێ دا، زێدە ئەو دپاراستن، هەیا کو ئەم د ژیانا خۆ دا سەرکەفتی بین، ب مەژی گۆتیە،" ئەگەر هەوە چایەکا خەلکی ڤەخار، دوو بەرامبەر قەرەبوویا وان بکەن و دگەل خەلکی دا باشبن و مافێ چ کەسەکێ نەخۆن".

هەڤدەم، بەحسێ تەمەنێ زاڕۆکینیا عەبدولا ئۆجەلانی دکەت و دبێژیت،" عەبدولا ئۆجەلان د زاڕۆکینیێ دا مرۆڤەکێ تایبەت بوو، ل گوندی ژیان دکر، هەر ل گوندی ژی دەست ب شۆڕەشێ و تێکۆشانی کر، دیار ژی کر، وی هەموو تەمەنێ خۆ د شۆڕەشێ دا بسەر بریە".

دەربارەی بیرو باوەرا ئۆلیا عەبدولا ئۆجەلانی زەلالکر،" هەر د زارۆکینیێ دا کەسەکێ دیندار بوویە و دەمی مەزن بووی ژی باشترین هەڤالێ مەلایێ گوندی گوندی بوویە، لسەر دەمێ خواندنا زانینگەهێ دا ژی هەر دیندار بوویە، لێ پشتی کو خواندنا زانینگەهێ تەمام کری، گۆهڕانکاری بسەر فوکراوی دا هات و زێدەتر سۆسیالیستانە هزر دکر".

ئەڤەژی د دەمەکێ دایە، عەبدولا ئۆجەلان کو یێ بەرنیاسە ب ئاپۆ، یەک ژ دامەزرێنەرێن پارتا کارکەرێن کوردستانێ و ل ١٩٩٩ ژ ئالیێ تورکیا ب هاریکاریا چەند وەلاتێن دی هاتە دەستەسەرکرن و نێزیکی ٢١ سالە د زیندانا وی وەلاتی دایە.