سەرنووچە:

بەغدا.. دوو خۆنیشاندەر هاتن کوشتن

فۆتۆ: 
2020-01-24

169 جار خوێندراوەتەوە

ژبەر دروستبوونا ئالۆزیێ د ناڤبەرا خۆنیشاندەران و هێزێن ئەولەهیێ دا ل بەغدا، دوو خۆنیشاندەر هاتن کوشتن و هەشتێن دی ژی برینداربوون.

ژێدەرەکێ ئەولەهیێ ل بەغدا ڕاگەهاند، ئەڤرۆ ئەینیێ د دەما خۆنیشاندانان دا لسەر ڕێیا بلەز یا محەمەد قاسم نێزیک گۆرەپانا گەیلانی، ئالۆزی دروستبوو و هێزێن ئەولەهیێ ژی بۆ بەلاڤەکرنا خۆنیشاندەران گازا ڕۆندک ڕێژ بکارئینان.

دیارکر ژی، ژبەر ئالۆزیان دوو خۆنیشاندەر هاتنە کوشتن و هەشت کەسێ دی ژی ژبەر گازا ڕۆندک ڕێژ برینداربوون، کو برینا یەک ژ وان یا گرانە.

ل دەستپێکا جۆتمەها سالا دەربازبوویی خۆنیشاندان ل بەغدا و چەند باژاڕێن دی یێن عێراقێ سەرهەلدان و لگۆری ئامارێن کۆمسیۆنا مافێن مرۆڤان یا عێراقێ، هەیا نها ٣١ چالاکڤان و زێدەتری ٥٠٠ خۆنیشاندەر هاتنە کوشتن، هەڤدەم زێدەتری ١٣ هزار کەسێن دی ژی برینداربوون.

س.م