سەرنووچە:

سەدر چەند مەرج بۆ دەرکرنا هێزێن ئەمریکا ل عێراقێ راگەهاندن

فۆتۆ: 
2020-01-24

541 جار خوێندراوەتەوە

موقتەدا سەدر چەند مەرج بۆ دەرکرنا هێزێن ئەمریکا ل عێراقێ راگەهاندن و دیارکر، د نها دا چ پێنگاڤێن لەشکەری ناهاڤێژن.

موقتەدا سەدر ڕێبەرێ ڕەوتا سەدر پشتی خۆنیشاندانا ئەڤرۆ ئەینیێ یا ئالیگرێن وی د بەیانامەکێ دا چەند مەرج بۆ چوونەدەرا هێزێن ئەمریکا ل عێراقێ ڕاگەهاندن، کو ژ ئالیێ ڕێکخەرێن خۆنیشاندەران ڤە هاتنە خاندن و ژ وان ژی، "داخواز کر تەڤاهیا بنگەهێن لەشکەریێن ئەمریکا و ئەو کۆمپانیێن ئەمریکیێن کو ل عێراقێ کار و چالاکیی هەنە بهێنە داخستن".

ڕاگەهاند ژی، "ئەسمانێ عێراقێ لهەمبەر بالەفرێن لەشکەری و ئیستیخباراتی بهێتە داخستن و تەڤاهیا لهەڤهاتنێن ئەولەهیێ یێن ناڤبەرا عێراق و ئەمریکا بهێنە هەلوەشاندن".

هەر د بەیانامەیێ دا ئەو یەک ژی گوتیە، "پێدڤیە ترەمپ د بڕیار و گۆتارێن خۆ دا ب توندی سەرەدەریێن دگەل عێراقێ دا نەکەت، ئەگەر نە دێ ب هەمان ئاوا هێتە بەرسڤ دان".

د خالەکا دی دا دایەزانین، " پێدڤیە د دەما بڕیاردان لسەر دەرکرن یان مانەڤا هێزان، دەولەتێن دەردورا عێراقێ دەست د کاروبارێن عێراقێ دا وەرنەدەن، ئەگەر ئەمریکا ژی لگۆری ڤان دەستپێشخەریان کار نەکەت وی دەمی وەک داگیرکارەک د ئاخا عێراقێ دا دێ سەرەدەریێ دگەل ئەمریکا لەشکەرێن وان دا کەین".

ئەڤە ژی دەمەکێ دایە، ئەڤرۆ ئەینیێ لسەر داخوازا موقتەدا سەدر خۆنیشاندانا ملیۆنی ل دەڤەرا جادریە یا بەغدا بڕێڤەچوو و دروشمێن خۆنیشاندەران ژی هەموو بۆ دەرکرنا هێزێن بیانی بوون د عێراقێ دا، هەروەسا داخوازکرن بڕیارا جڤاتا نوینەران یا دەربارەی دەرکرنا هێزێن بیانی ژی بهێتە جیبجیکرن.

س.م

RADEDITORSAVEDTAG_script src="chrome-extension://lmnganadkecefnhncokdlaohlkneihio/enable.js"></script