سەرنووچە:

دەقێ کونفرەنسێ رۆژنامەڤانیێ نێچیرڤان بارزانی و دونالد ترەمپ

فۆتۆ: 
2020-01-22

521 جار خوێندراوەتەوە

پشتی نیڤرۆیا ئەڤرۆ ل کوربەندێ ئابوریێ داڤوسێ دا هەر یەک ژ نێچیرڤان بارزانی سەرۆکێ هەرێما کوردستانێ و دونالد ترەمپ سەرۆکێ ئەمریکا جڤیان و کونفرەنسەکێ رۆژنامەڤانی کر.

دونالد ترەمپ د دەستپێکا ئاخفتنێن خو دا گوت، " ئەو یا نایابە کو دگەل سەرۆک بارزانی، سەرۆکێ هەرێمێ مە، ئەڤە دەمەکێ زوورە ئەم دخوازین هەڤدوو ببینین، مە پێکڤە زوور ب باشی کارکریە. وەک دزانن مە سنورێن سوریایێ هێلان و ڤێ یەکێ ژی ئەنجامێن باش هەبوون دگەل تورکیایێ، ئەنجامێن باشتر ژی هەبوون کو د هزرا هەر کەسەکێ دایە وان د نها دا دەڤەرا ئارام هەیە".

گوت ژی، " ئەز وان هەمی تشتان دنرخینم یێن کو هەوە (بارزانی) بۆ سلامەتیا دەڤەرێ کرین، لێ ئەوا زێدە گرنگە، وەکی هوون دزانن مە نەفت ژی هەیە، مە لەشکەرێن خۆ بۆ نەفتێ هێلان، ژبەر وێ یەکێ مە دەستێ خۆ بسەر نەفتێ دا گرت و دێ کار تێداکەین، مە زوور ب باشی پاراستیە و دگەل وێ یەکێ ژی هزاران زیندانیێن داعشێ د دەڤەرێ دا هەنە، مە سەد لسەر سەدێ دەست بسەر خیلافەتێ دا گرتیە، ئەو دەڤەر هەرێمەکا باشە و مە پەیوەندیەکا بهێز هەبوویە".

د یف دا نێچیرڤان بارزانی ئاخفت و گوت، " من پێ خوشە کو ڤێ دەرفەتێ بکاربینم بۆ سوپاسیکرنا تە، بەرێز سەرۆک مە دیت د داڤۆسێ دا، وەکی تە گوتی دەمەکێ زوورە چاڤەرێی ڤێ هەڤدیتنێ بووین، سوپاس بۆ رێبەری و پشتەڤانیا تە، مە پێکڤە داعش ژناڤبر ل شوونا خەلکێ کوردستانێ من پێخوشە سوپاسیێن خۆ نیشان بدەین و سەرۆکاتی و پشتەڤانیا تە بنرخینم. سوپاس".