سەرنووچە:

حکومەتا عێراقێ کوژمەکێ پارەی ب کەسێن بێکار ددەت

کوژمێ ١٧٥ هزار دیناران بۆ دەمێ سێ مەهان
فۆتۆ: 
2020-01-22

353 جار خوێندراوەتەوە

جڤاتا وەزیرێن عێراقێ بڕیاردا کوژمێ ١٧٥ هزار دیناران بۆ دەمێ سێ مەهان ب هەژمارەکا کەسێن بێکار بدەت.

د ڕاگەهاندنا جڤاتا وەزیران دا هاتیە، د ڕۆنشتنا ٢١ ێ ڤێ مەهێ دا جڤاتا وەزیران بڕیار دایە، بۆ دەمێ سێ مەهان کوژمێ ١٧٥ هزار دیناران ب ٩٠٠ هزار وەلاتیێن کو بێکارن و شیانێن کارکرنێ نینە بدەت.

لگۆڕەی بڕیارێ مەرجێ دانا پاران ب وان وەلاتیان ئەوە، دڤێت ئەو وەلاتی دبن هێلا هەژاریێ دا بن، وەک د یاسایا چاڤدێریا جڤاکیا عێراقێ دا هاتیە.

ئەڤ بڕیارا حکومەتا عێراقێ د دەمەکێ دایە، ل پڕانیا باژاڕێن باشور و ناڤەڕاستا عێراقێ و نەرازیبوون چووینە قۆناغێن ئالۆز و دژوار، ب تایبەت پشتی تەمام بوونا وی دەمێ کو وەلاتی و خۆنیشاندەران ب حکومەتێ و ئالیێن پەیوەندیدار دابوون بۆ جیبجێکرنا داخوازیێن وان.