سەرنووچە:

مژدە مەحمود: یەکێتی چ نەمایە ساخلەمیا سلێمانیێ ژ پێخەمەت نەخۆشخانەیێن تایبەت کاڤل بکەت

پشتی مرنا کەسەکێ ژبەر کێمتەرخەمیا نوژداران
فۆتۆ: 
2020-01-21

314 جار خوێندراوەتەوە

پەڕلەمانتارەکا نەوەی نوێ ل پەڕلەمانێ کوردستانێ ڕاگەهاند،" وەک چەوا یەکێتی ژ هەموو ڕوویان ڤە سلێمانی کاڤل کریە، چ نەمایە ساخلەمیێ ژی ژ پێخەمەت کۆمپانیا و نەخۆشخانەیێن تایبەت کاڤل و وێران بکەت.

مژدە مەحمود د هەژمارەیا خۆ یا تۆڕا جڤاکیا فەیسبووکێ دا نڤیسایە،" ب تەمامی سلێمانی ژ گەلەک ئالیان ڤە هاتیە پشتگۆهاڤێتن، داوی کاڤلکرن کو مژیلن دەستهەلاتدارێن ڤی باژاڕی بکەن کەرتا ساخلەمیێ یە".

بەحسا وێ یەکێ ژی کر، هەموو ئەو کارێن د نها دا ڕووددەن بۆ وێ یەکێ یە، هەیا کو خەلکی باوەری ب نەخۆشخانەیێن گشتی نەمینیت هەیا بچنە نەخۆشخانەیێن تایبەت، خەلکێ بەلەنگاز و هەژارێ کوردستانێ ژی نەشێن بچنە نەخۆشخانەیێن تایبەت و ئەڤا نها ژی چێدبیت، ڕەوشا نەخۆشخانەیێن حکومی یە".

ئەڤ گۆتنێن موژدە مەحمود، پشتی وێ یەکێ هاتن نووچەیا ژیان ژ دەستدانا نەخۆشەکێ ب ناڤێ تارق حەمید ل نەخۆشخانەیا شار یا باژاڕێ سلێمانیێ هاتبوو بەلاڤکرن و عومەر عینایەت پەڕلەمانتارێ بەرێ یێ پەڕلەمانێ کوردستانێ کو کەس و کارێ وی نەخۆشی بوویە ئاماژە ب وێ یەکێ کریە، ئەو وەلاتی کو پێشمەرگە بوویە پشتی برینداربوونێ چار ڕۆژا د نەخۆشخانەیێ دا بوویە و چ نیشتەرگەری بۆ نەهاتیە کرن.

وەزیرێ ساخلەمیا هەرێما کوردستانێ ژی، د نڤیسارەکێ دا ساخلەمیا سلێمانیێ ئەرکدارکریە، هەیا ڤەکۆلینێ ژ بوویەرا ژیان ژ دەستدانا تارقی د نەخۆشخانەیا شار دا بهێتە کرن.