سەرنووچە:

پۆلیسێ هەولێرێ دەربارەی سێ تەرمێن عەنکاوە زەلالکرنێ ددەت

ب سەدەما غازا سۆپێ بوویە
فۆتۆ: 
2020-01-21

525 جار خوێندراوەتەوە

پۆلیسێ هەولێرێ ڕاگەهاند، لگۆڕەی ڤەکۆلینێن دەستپێکی، سەدەما ژیان ژ دەستدانا ژنەکێ و دوو زارۆکێن وێ ل باژاڕۆکێ عەنکاوە یا سەر ب هەولێرێ ب سەدەمێ غازا سۆپێ بوویە.

ڕێڤەبەریا پۆلیسێ هەولێرێ د ڕاگەهاندنەکێ دا ئاماژە ب وێ یەکێ کر، پشتی دیتنا تەرمێ سێ وەلاتیان د مالەکێ دا، پۆلیسێ عەنکاوە دەست ب ڤەکۆلینان کر و دیڤدا لگوڕەی ڤەکۆلینێن دەستپێکی دەرکەفتیە، سەدەما ژیان ژ دەست دانا دایکەکێ و دوو زارۆکێن وێ ب سەدەما غازا سۆپێ بوویە.

بەحسا وێ یەکێ ژی کر، بۆ پشڕاستکرنا ڤەکۆلینان، د نها دا تەرمێ وان سێ وەلاتیان ل نوژداریا دادە بۆ کرنا پشکنینێ هەیا کو بگەنە ڕاستیا بوویەرێ، دیڤدا ژی دێ زەلالکرنێن زێدەتر بەلاڤکەن.

ئەڤەژی د دەمەکێ دایە، بەریا نها نووچەگەهانێ دیجیتال میدیایا ئێن ئاڕ تی ڕاگەهاند، تەرمێ مالباتەکا سێ کەسی د مالەکێ دا ل باژاڕۆکێ عەنکاوە یا سەر ب پارێزگەها هەولێرێ هاتیە دیتن.