سەرنووچە:

دەربارەی ترۆمبێلێن کو ژ سنوری هاتنە ڕاگرتن زەلالکرنەک هاتە بەلاڤکرن

ڕێڤەبەریا گشتیا هاتنوچوونا هەرێمێ
فۆتۆ: 
2020-01-21

334 جار خوێندراوەتەوە

ڕێڤەبەریا گشتیا هاتنوچوونا هەرێمێ زەلالکرنەک دەربارەی وان ترۆمبێلێن کو ژ سنوری هاتنە ڕاگرتن یا هاتنە داخلکرن بەلاڤکر و ڕاگەهاند، تەڤایان وان ترۆمبێلان کو ب سەدەما تۆمارنەکرنێ ژ گومرکێ سزا بسەر دا هاتنە سەپاندن ، دێ هێنە بەخشاندن.

عەبدولقادر عەزیز ڕێڤەبەرێ گشتیێ هاتنوچوونا هەرێمێ ب وەکالەت د زەلالکرنەکێ دا ئاماژە ب وێ یەکێ کر، " وان ترۆمبێلێن کو ژ سنوری هاتنەڕاگرتن و ئەوێن هاتنە داخلکرن ژی، ، دێ ژ هەر سزایەکێ کو ل گومرگێ لسەر هاتنە تۆمارکرن، دێ هێنە بەخشاندن".

بەحسا وێ یەکێ ژی هاتیە کرن، ب سەدەما وی دەمی کو بۆ هاتیە دیارکرن کو ٦٠ ڕۆژە، ترۆمبێلێ تۆمار بکەت یان ڕەتبکەت، پشتی وی دەمی ئەگەر نەهاتە تۆمارکرن، وی دەمی دێ هەموو سزایێن گیرۆبوونێ دەت".

د زەلالکرنێ ژی دا هاتیە،" دێ کار ب نڤیسارا وەزارەتا ناڤخۆ، یان ڕێڤەبەراتیا گشتیا دیوانێ، ڕێڤەبەریا کارگێرێ و ژێدەرێن مرۆڤی، بەشێ کارگێری و هەژمارە (٢٣٤٣٣ ل ١٨/١٢/٢٠١٩) ڕۆژ بۆ بهێتە دیارکرن و پشتی ڤی دەمی واتە (١٦/٢/٢٠٢٠) ئەگەر هەر کەسەک   دوی دەمی دا ترۆمبێلا خۆ تۆمارنەکر، دێ ڕوبڕوویێ سزایێن گیرۆبوونێ بیت".

ژ ئالیەکێ دی ڤە، ڕیڤەبەریا هاتنوچوونا هەولێرێ ڕاگەهاند، " ئاگەهداریا وەلاتی و شوفێر و کۆمپانیێن کو کڕین و فرۆتنا ترۆمبێلان دکەن، ڕازبوون هاتیە دان ب تۆمارکرنا  ترۆمبێلێن مۆدیل ٢٠١٧ کو ژ گومرکا باشماخێ ڤە، بۆ هەرێما کوردستانێ هاتنە شاندن، بێی کو توشی سزایێن دارایی ببن ب مەرجەکی هەیا ڕۆژا( ١٦ێ ٢/ ٢٠٢٠ێ) سەرەدانا ڕێڤەبەریا هاتنوچوونێ بکەن، ب مەرەما تۆمارکرنا ترۆمبێلێن خۆ، بەرۆڤاژی و پشتی دەربازبوونا وی دەمی دێ سزایا  گیرۆبوونێ کەڤیتە سەر هەموو وان کەسێن کو سەرەدانا رێڤەبەریا هاتنوچوونێ نەکربیت، بۆ تۆمارکرنا ترۆمبێلن خۆ د دەمێ  دیارکری دا".