سەرنووچە:

موقتەدا سەدر: داخوازێ ژ خۆنیشاندەران دکەین ولاتی بەرەف شەرێ نافخۆ ڤە نەبەن

فۆتۆ: 
2020-01-20

185 جار خوێندراوەتەوە

موقتەدا سەدر راگەهاند، نابیت حەشدا شەعبی تەڤلی ریبریبوونا لهەمبەر خۆنیشاندەران دا ببن و داخواز ژ خۆنیشاندەران ژی کر ولاتی بۆ شەرێ نافخۆ رانەکێشن.

د تویتەکێ دا موقتەدا سەدر دەربارێ خۆنیشاندانان دا نڤیسیە، رێزێ ل بریارا خۆنیشاندەران بو بەرفرهکرنا خۆنیشاندانان دگرە و د وێ هێڤیێ دایە کو خونیشاندەر پێگیری خۆنیشاندانێن ئاشتیانە بن و زەرەرێ نەگهیەننە گەلی.

بەحسا وێ چەندێ ژی کر، کو رێزێ ل بریارا حکومەتێ بۆ ریبریبوونا کەسێن کو ئالوزیێ دورست دکەن دێ گرن و ب پێدڤی ژی دزانیت کەسێن تێکدەر ژ کەسێن ئاشتیخاز بهێنە جوودا کرن.

سەدر تەکەز لسەر وێ ژی کر، نابیت حەشدا شەعبی تەڤلی ریبریبوونا لهەمبەر خۆنیشاندەران ببیت، ژبەر کو بۆ ناڤودەنگیا حەشدا شەعبی باش نەبیت.

داخاز ژی کریە، لەزێ بکەن و بەربژارەکێ وەسا بۆ پۆستێ سەرۆک وەزیران دیاربکەن کو جهێ دەنگەدەنگێ نەبیت داکو ژ ئالیێ سەرۆک کومار ڤە بهێتە ئەرکدارکرن بۆ پێکئانینا کابینەیێ.

ئەڤرۆ د خۆنیشاندانێن عێراقێ دا توندوتیژی دروستبوون و ب وێ سەدەمێ ژی چار کەس هاتنە کوشتن کو دوو ژ وان ئەندامێن هێزێن ئەولەهیێ بوون و نێزیکی ١٠٠ کەس ژی برینداربوون.