سەرنووچە:

ئاسایشا هەولێرێ بەرسڤا مەحمود سەنگاوی دا

فۆتۆ: 
2020-01-20

657 جار خوێندراوەتەوە

ئاسایشا هەولێرێ د بەرسڤا خۆ دا بۆ مەحمود سەنگاوی راگەهاند، جهێ مەندەهۆشیێ نینە قاچاخچیەکێ ناسکریێ دەرازینکێن دەڤەرا گەرمیان ، بەرەڤانیێ ژ تۆرێن مافیایێ بکەت.

ڕێڤەبەریا گشتی یا ئاسایشا هەولێرێ د ڕاگەهاندنەکێ دا بەرسڤا مەحمود سەنگاوی دا و دبێژیت، " ب ئاوایەکێ نەرەوا و ب ئاستەکی نزمێ وەک خۆ هێزێن ئاسایشێ دا و نەمەعقولیەکا زێدە دەرحەقێ دلسۆزان و گەنجێن ڤی گەلی و دامەزراوەیێن فەرمیێن هەرێما کوردستانێ کریە.

ئەو یەک ژی هاتیە ، " دزانن قاچاخچیەتی د ناڤا ئالوزیێ دا چالاک دبیت ، ژبەر وێ یەکێ جهێ مەندەهۆشیێ نینە قاچاخچیەکێ ناسکریێ دەرازینکێن دەڤەرا گەرمیان، کو تێکەلی بازڕگانیا ڕەش و ئەندامێ تۆرا بازرگانیا نەشەرعییە، بەرەڤانیێ ژ تۆرێن مافیایێ بکەت ، و لسەر وان بهێتە دەنگ و وەرەقەیان تێکەلی پەیۆەندیێن ناڤبەرا حزبان بکەت".

ئاماژە ب وێ یەکێ ژی دایە، " گۆتنێن محمود سەنگاوی پەیوەندیدارن ب دۆسیەیا تۆمەتبارەکێ کو لسەر مامەلەکرن ب شێست کیلۆگرام ماددەیێن بێهۆشکەر هاتبوو دەستەسەرکرن و د گرتیگەهێ دا داوی ب ژیانا خۆ ئینابوو".

هەڤدەم تەکەز ژی کریە ،" دەزگەهێ مە ب مافێ خۆ دزانیت ل دژی هەر جۆرە تۆمەتەکا نەراست و بێرێزیکرنێ هەمبەر دەزگەهـ و هێزێن  مە ، رێکارێن یاسایی بگریتەبەر".