سەرنووچە:

په‌رله‌مانێ كوردستانێ یاسایا چاكسازیێ بۆ سه‌رۆكاتیا هه‌رێمێ شاند

فۆتۆ: 
2020-01-20

170 جار خوێندراوەتەوە

په‌رله‌مانێ كوردستانێ یاسایا چاكسازیا موچه ‌، ده‌رماله ‌و به‌خشین و ئیمتیازاتێن دی بۆ سه‌رۆكاتیا هه‌رێمێ شاند.

په‌رله‌مانێ كوردستانێ راگەهاند، ژ ئالیێ سەروکاتیا پەرلەمانی ڤە د چارچۆڤەیا حوکمێن پەیرەوا ناڤخۆ و یاسایێن بەرکار، یاسایا چاكسازیا موچه ‌، ده‌رماله ‌، به‌خشین و ئیمتیازاتێن دی بۆ سه‌رۆكاتیا هه‌رێمێ هات شاندن.

ئاماژە ب وێ یەکێ ژی کریە، یاسایێن کو د پەرلەمانی دا دهێنە پەسەند کرن د دەما ١٠ رۆژان دا پشتی دەرچوونا یاسایێ ، سەرۆکێ هەرێمێ ماف هەیە ، تانێ ل تەڤاهیا یاسایێ بدەت و بۆ پەرلەمانی بشینیت بۆ چاڤپێخشاندنێ.

زەلال ژی کریە، لگور پەیرەوا ناڤخۆ ئەگەر سەرۆکێ هەرێمێ د دەما ١٥ رۆژان دا بەشەکا بریار و یاسایێن پەرلەمانی رەت بکەت د وێ دەمێ دا دڤێت لیژنەیا تایبەتمەند د دەما ١٥ رۆژان دا راپۆرتا خۆ بنڤیسیت، پشترا د یەکەمین روونشتنێ دا پشتی تمامکرنا راپۆرتێ دێ هێتە د ناڤا پەرلەمانی دا و دێ بریارا پەرلەمانی دەربارێ وێ یەکێ یەکئالی بیت، یان دێ رایا سەرۆکێ هەرێمێ هێتە وەرگرتن و راپۆرتا لیژنەیا تایبەتمەند گۆتوبێژکەت یان ژی دێ  ئەندامێن پەرلەمانی ب پرانیا دەنگان پێداگیریێ لسەر رایا خۆ کەن و ڤێ جارێ رایا پەرلەمانی ناهێت رەتکرن.

رۆژى پێنجشەمبیا دەربازبوویی  ب ‌ده‌نگێن ٨٩ پەرلەمانتاران یاسایا چاكسازیا خانه‌نشینیا مووچه ‌و ده‌رماله‌ و به‌خشین و ئیمتیازاتێن دی هات پەسەند کرن.