سەرنووچە:

بەریتانیا و فەڕەنسا: پێگیری لهەڤهاتنا ئەتۆمیا ئیرانێینە

لسەر دانانا چارچوڤەیەکا کاری لهەڤکرن
فۆتۆ: 
2020-01-20

150 جار خوێندراوەتەوە

حکومەتا بەریتانیا راگەهاند ، بۆریس جۆنسن سەرۆک وەزیرێ وەلاتێ وان  و ئیمانوێل ماکرۆن سەرۆکێ فەڕەنسا تەکەز لسەر پێگیربوونا لهەڤهاتنا ناڤەکی یا ئیرانێ کرن.

پەیڤدارێ حکومەتا بەریتانیا د راگەهاندنەکێ دا ئاماژە کرییە ، هەردوو ئالی لسەر دانانا چارچوڤەیەکا کاری لهەڤکرنە بۆ رێگرتن ژ ئیرانێ کو نەبیتە خودان چەکێ ناڤەکی.

ئەو یەک ژی دیارکریە ، هەروەسا د جڤینێ دا لسەر گرنگیا زێدە یا نەبوونا ئالوزیان و کارکرن دگەل هەڤبەشێن ناڤدەولەتی دا پێخەمەت دیتنا چارەسەرەکا سیاسی بۆ رووبرووبوونا ئالوزیێن نها لهەڤهاتن.

ئەڤە ژی د دەمەکێ دایە ، بەریا نها بەریتانیا ، فەڕەنسا و ئەڵمانیا راگەهاندبوو، " ژ بەرکو تەهران رێزێ ل پێگیربوونا لهەڤهاتنا ئەتۆمیێ ناگریت ، دێ لهەڤهاتنا ئەتۆمیا دگەل ئیرانێ یەکئالی کەین.