سەرنووچە:

جڤاتا سەرکردایەتیا پارتی: د ٢٠٢٠ێ دا دێ کۆنگرەیێ خۆ گرێدەین

ب سەرۆکایەتیا مەسعود بارزانی
فۆتۆ: 
2020-01-18

203 جار خوێندراوەتەوە

جڤاتا سەرکردایەتیا پارتی راگەهاندنەک بەلاڤکر و تێدا ئاماژە ب وێ یەکێ کریە، د ئەڤسالە دا دێ کۆنگرەیێ حزبا خۆ گرێدەن.

ئەڤرۆ شەمبیێ ب سەرۆکایەتیا مەسعود بارزانی، سەرۆکێ پارتا دیموکراتا کوردستانێ، جڤاتا سەرکرایەتیا وێ حزبێ جڤیا و  ڕەوشا ناڤخۆ  یا حزبێ و هەرێمێ و گۆهڕانکاریێن حزبێ گوتووبێژکرن.

ئه‌نجوومه‌نا سه‌ركرداتیا پارتی، ئیرۆ ب سه‌رۆكتیا مه‌سعوود بارزانی سه‌رۆكێ په‌ده‌كێ جڤینا، چار مژارێن سه‌ره‌كه‌ نیقاش كرن، ژ وان ژی، بریار و راسپارده‌یێن جڤینێن ڤێ داویێ یێن پەرلەمه‌نا عێراقێ.

جڤاتا سه‌ركرداتیا پارتی د وێ ده‌ربارێ ده‌ نرخاندن ژ بۆ وان بریاران كر و ئه‌شكه‌ره‌ كر، كو ئه‌ڤ بریار دوور ژ بنه‌مایێن سه‌ره‌كه‌ یێن پشتی ژناڤبرنا رژ‌ێما به‌عس ٢٠٠٣ێ نە و ئاڤاكرنا عیراقێ لسه‌ر ئه‌ساسێ شه‌راكه‌ت و حكومرانیا هه‌مه‌ ئالی و ئۆلی هاتیە داین.

ئه‌نجوومه‌نا سه‌ركرداتیا پارتی د به‌یانه‌كه‌ نڤیسكی ده‌ مژارێن جڤینێ زه‌لال كرن و ل گۆر وێ، د خالا دویه‌مین ده‌ نیقاش ل سه‌ر ره‌وشا ئیراقێ هاتیه‌ كرن و جڤاتا سه‌ركرداتیا پارتی د گه‌ل وێ نه‌رینێ دایه،‌ كو عێراق نه‌به‌ مه‌یدانا یه‌كلاكرنا پرسگرێكێن هه‌رێمێ و پێویسته‌ بزاڤ ژ بۆ ڤێ پرسێ وه‌ره‌ن خورت كرن.

جڤتا سه‌ركرداتیا په‌ده‌كێ د مژاره‌كه‌ دی دا، به‌حسا پرۆژه‌یا ریفۆرمێ كر و پشتگری ل وان هه‌نگاڤان كر كو كابینه‌یا نه‌هه‌ما حكوومه‌تا باشوورێ كوردستانێ ئاڤێتن.

د مژارا چاره‌مین یا نیقاشێ ده‌، جڤاتا سه‌ركرداتیا وێ حزبێ بریارا دا كۆنگره‌یا ١٤مین یا پارتیێ د ئەڤسالە دا‌ وه‌ره‌ لدارخستن، ل دارخستنا كۆنگره‌ی ژی ب پێویستی ب ناڤ كر ژ بۆ كوته‌ڤ ئۆرگانێن پارتیێ خۆ دگه‌ل ره‌وشێ و گوهه‌رینێن بله‌ز یێن ناڤخۆ و ناڤچه‌یێ دا بگونجین و هه‌موو دەما ده‌ستهلاتێن پێویست ب پۆلیتبیرۆیا خۆ‌ دا كو هه‌نگاڤ و رێكارێن لدارخستنا كۆنگره‌ی ده‌ست پێ بكه‌.

س.ع