سەرنووچە:

رێواز فایەق: پلەبلند دکارن بڕێکا پڕکرنا فورمەکێ خانەنشینیا خۆ رەت بکەن

فۆتۆ: 
2020-01-18

325 جار خوێندراوەتەوە

سەرۆکا پەرلەمانێ کوردستانێ راگەهاند، پەرلەمانتارێن هەمی خولێن پەرلەمانى دکارن د دەما ٣٠ رۆژان دا داخوازیەکێ پێشکێش بکەن  و برێکا فورمەکێ خانەنشینیا خۆ رەت بکەن.

ئەڤرۆ شەمبیێ، رێواز فایەق سەرۆکا پەرلەمانێ کوردستانێ د راگەهاندنەکێ دا دەربارەی خانەنشینیا پلەیێن بلند راگەهاند، لدیف یاسایا خانەنشینیا عێراقێ کەس نکاریت دەستبەرداری خانەنشینیێ ببیت کو یاسایێ پێدایە، لێ بۆ هەر پەرلەمانتارەکێ خولا پێنجێ و خولێن دی، کو دخوازن لدیف یاسایا چاکسازیێ خانەنشین ببن، ئەو پێدڤیە د دەما ٣٠ رۆژان ژ رێکەفتنا بەرکاربوونا وی پرۆژەیاسای ل دیوانا پەرلەمانى داخوازیەکێ پێشکێش بکەن و خانەنشینیێ رەت بکەن.

دازانین ژی، پەرلەمانتارێن هەمی خولێن پەرلەمانى تەمەن و خزمەت و باوەرنامە هەر چ بیت، دکارن دەستبەرداری خانەنشینیێن وەک پەرلەمانتار لدیف یاسایا چاکسازیێ و ئەگەر نەخوازن خانەنشین ببن، یاسا وان نەچار ناکەت بۆ خانەنشینبوونێ، بەلکی دکارن بۆ سەر کارێن خۆ یێن بەرێ بچن.

دیار ژى کر، هەر پەرلەمانتارەکێ خولا پێنجێ یان خولێن دی، کو خواستیە ڤێ خولێ خانەنشین نەبیت، د دەما ٣٠ رۆژان دا دکارن ل دیوانا پەرلەمانى داخوازیێ پێشکێش بکەن.

بەحس ژى کر، هەر کەسەکێ بەرى دەمێ دیارکری فورم و داخوازیێ پێشکێش بکەت، ژ ئالیێ یاسای ڤە چ بەهایەک نابیت و خانەنشینبوونا وی دێ هەرمینیت، یاسا ژی ژ یەکشەمبێ ١٩ێ چلەیا ٢٠٢٠ێ ئاراستەی سەرۆکاتیا هەرێمێ هێتە کرن، پشتى ئیمزاکرن ژ ئالیێ سەرۆکێ هەرێمێ ڤە، بۆ رۆژنامەیا فەرمى (وەقایعی کوردستان) دێ هێتە هنارتن.

ئەڤە ژى د دەمەکێ دایە کو رۆژا پێنچشەمبی یا حەفتیا دەربازبووى یاسایا چاکسازیا خانەنشینیا مووچە و دەرمالان، ب دەنگێ ٨٩ پەرلەمانتاران ل پەرلەمانێ کوردستانێ پەسەند کر، ب وی یەکێ ژى نەرازیبوونا پشکەکا فراکسیۆنێن پەرلەمانی دیف خۆ دا ئینا.