سەرنووچە:

سوبەهی دێ مووچەیێ ڤان وەزارەتان هێتە پارڤەکرن

 مووچەیێ مەها ١٠ یا سالا دەربازبوویی
فۆتۆ: 
2020-01-18

1615 جار خوێندراوەتەوە

دیجیتال میدیایا ئێن ئاڕ تی، هەولێر، هێرش قادر

ژێدەرەکێ ژ وەزارەتا داراییا هەرێمێ ڕاگەهاند، سوبەهى یەکشەمبیێ دێ مووچەیێ دوو وەزارەتا هێتە پارڤەکرن و هەیا ٢٣ێ ڤێ مەهێ ژی تەڤاهیا وەزارەتان مووچەی وەردگرن.

ژێدەرەکێ ژ وەزارەتا دارایی و ئابوریا هەرێمێ بۆ دیجیتال میدیایا ئێن ئاڕ تی دازانین، سوبەهى یەکشەمبیێ ١٩ێ چلەیا ٢٠٢٠ێ، دێ مووچەیێ وەزارەتا ساخلەمیێ، کاروبارێن شەهیدان و ئەنفالکریان و زیندانیێن سیاسی هێتە پارڤەکرن.

دیارکر ژی، ڕۆژا دووشەمبیێ ٢٠ێ ڤێ مەهێ، دێ مووچەیێ وەزارەتا کار و کاروبارێن جڤاکی و کێمئەندام، جڤاتا دادوەری و وەزارەتا داد هێتە پارڤەکرن.

ئەڤ مووچەیێ دهێتە پارڤەکرن، مووچەیێ مەها ١٠ یا سالا دەربازبوویی یە و یازدەمین مووچەیە کو بێ پاشەکەفت دهێتە پارڤەکرن.

س.م