سەرنووچە:

د تۆمارەکا دەنگی دا ترەمپ بەحسا کوشتنا سولەیمانی دکەت

فۆتۆ: 
2020-01-18

320 جار خوێندراوەتەوە

تورا نووچەگەهانی یا سی ئێن ئێن یا ئەمریکی زانیاری دەربارەی تومارەکا دەنگی یا دونالد ترەمپ بەلاڤکر دکەت کو د ئێڤاریەکا نانخوانێ دا دگەل کوماریان تومارکریە و بەحسا دەمێ کوشتنا قاسم سولەیمانی دکەت.

ترەمپ د تومارێ دا دبێژیت، ب کامیرایێ ب دووریا چەند میلان ل ئەسمانی من بەرێ خۆ ددایێ و د وی دەمی دا من گوهداریا بەرپرسێن لەشکەری کر د دەما بەری لێدانا وێ هێرشێ.

بەرپرسێن لەشکەری ژی ب ترەمپ گوتیە، "گەورەم یێن پێک ڤە" (وەک ئاماژەیەک بۆ ئەبومەهدی موهەندیس و قاسم سولەیمانی).

ترەمپ ڤەدگێریت و دبێژیت، دیفدا بەرپرسێن لەشکەری گوت " گەورەم ٢ خولەک و ١١ چرکە یێن ماین، چ کارڤەدان نینن.. گەورم ئەو یێن د ترومبێلەکێ دا ، ترۆمبێلەکا گولە برە،  ژیانا وان نێزیکی ٢ خولەکان یا مای.. گەورەم ٣٠ چرکە، ١٠، ٩ ، ٨ ... راستەوخۆ "بوووم" گەورەم ئارمانج هاتە ژناڤبرن".

ترەمپ پشتی هێرشێ دبێژیت، "ئەڤەبوو یێ هەوە د گوت ب چ ئاوایەکێ ناهێتە ژناڤبرن و شکاندن".

دیفدا گوت ژی، " دوو ب یەک بها"  (ئەو ژی وەک ئاماژەیەک بۆ وێ یەکێ کو قاسم سولەیمانی و ئەبومەهدی موهەندس ب ئەک لێدان هاتنە کوشتن.