سەرنووچە:

عێراق.. دوو خۆنیشاندەر هاتنە کوشتن

فۆتۆ: 
2020-01-12

214 جار خوێندراوەتەوە

ل عێراقێ خونیشاندان بەردەوامن و شەڤا دەربازبوویى ل پارێزگەها کەربەلایێ دوو خونیشاندەر هاتنە کورشتن و زێدەتر ژ ١٠ کەسان ژى بریندار بوون.

ئومێد محەمەد نووچەگەهانێ دیجیتال میدیایا ئێن ئار تى راگەهاند، درەنگیا شەڤا دەربازبوویى ، خونیشاندەران ل گۆرەپانا تەربیە بەرەڤ ئاڤاهیێ پارێزگەهێ چوون هەیا کو بچنە ناڤا ئاڤاهیێ پارێزگەهێ ، لێ ژ ئالیێ هێزێن ئەولەهیێ ڤە تەقە لێ هاتە کرن و ب وێ سەدەمێ دوو خونیشاندەر هاتنە کورشتن و زێدەتر ژ ١٠ کەسان ژى بریندار بوون.

 ئاماژە ب وێ یەکێ ژى کریە، هێزێن ئەولەهیێ ل دەردوورا ئاڤاهیێ پارێزگەهێ هاتنە بەلاڤکرن و خونیشاندەر نەچارکرن کو بۆ گۆرەپانا تەربیەیێ ڤەگەرن ، کو جهێ سەرەکى یێ خونیشاندەرێن وى باژاریینە کو زێدەتر ژ ١٠٠ رۆژانە بەردەوامن.

ئەڤە ژ د دەمەکێ دایە ، بەریا چەند دەمژمێرەکان د خونیشاندانێن کەربەلایێ دا فەرماندەیێ لیوایا کەربەلایێ یا حەشدی شەعبی ب ناڤێ تاڵب عەلی عەباس ل دەڤەرا سەدر یا باژارێ بەغدا هات کوشتن.