سەرنووچە:

بەغدا.. چەند مووشەکێن کاتیۆشا بۆ دەڤەرا کەسک هاتنە هاڤێتن

فۆتۆ: 
2020-01-08

475 جار خوێندراوەتەوە

ئومێد محەمەد نووچەگەهانی ئێن ئاڕ تى ل بەغدا راگەهاند، چەند مووشەکێن کاتیۆشا بۆ دەڤەرا کەسک یا بەغدایێ هاتنە هاڤێتن و بالیوزخانەیا ئەمریکا زەنگا ئاگەهدارکرنێ لێدایە و دوو تەقین ژی چێبوونە.

نووچەگەهانێ دیجیتال میدیایا ئێن ئاڕ تی ڕاگەهاند، درەنگی شەڤا دەربازبووی دوو کاتیۆشا ئاراستەی دەڤەرا کەسک هاتنە کرن و دوو تەقین ژێ ل بەشێ ڕەسافەیا  باژاڕێ بەغدا چێبوونە کو یەک ل دەڤەرا وەسبە بوویە ، ب وێ سەدەمێ ژی کەسەک هاتە کوشتن و سێ کەسێن دی ژی برینداربوون.

ژ ئالیەکێ دیڤە شانەیا ئەولەهیا عێراقێ ڕاگەهاند، دوو موشەک ژ جۆرێ کاتیۆشا ئاراستەی دەڤەرا کەسک ل ناڤەندا باژاڕێ بەغدا هاتیە کرن، کو یەک جاددەیەکا ل نێزیک بالیۆزخانەیا ئەمریکا بوویە، ب وێ سەدەمێ ژی بالیۆزخانەیێ زەنگا ئاگەهدارکرنێ لێدایە.

ئەڤەژی د دەمەکێ دایە، شەڤا دەربازبووی ئیرانێ وەک بەرسڤدانا کوشتنا قاسم سولەیمانی و هەڤالێن وی زێدەتری ٢٠ موشەکان ئاراستەی بنگەهێن لەشکەریێن ئەمریکا ل عێراقێ و هەولێرێ کرن، لێ چ زەرەرێن جانی نەبوون، ژ ئالیێ خۆ ڤە سەرۆکێ ئەمریکا ڕاگەهاند، هەرچەندە ئیرانێ موشەک ئاراستەی بنگەهێن لەشکەریێن مە کرنە، لێ  تەڤایا لەشکەرێن وان سەلامەتن و گۆت ژی، ئەمریکا ناخوازیت شەڕی دگەل ئیرانێ دا بکەت و  دخوازیت لهەڤهاتنێ دگەل تارانێ بکەت.

س.ع