سەرنووچە:

پەرلەمانێ عێراقێ جڤیا

ب بەرهەڤبوونا عادل عەبدولمەهدی
فۆتۆ: 
2020-01-05

227 جار خوێندراوەتەوە

ڕۆنشتنا پەرلەمانێ عێراقێ بۆ گۆتۆبێژکرنا هێرشا ئەمریکا ل بەغدا جڤیا و بڕیار لسەر دەرکرنا هێزێن بیانی دا.

ئومێد محەمەد نووچەگەهانێ دیجیتال میدیایا ئێن ئاڕ تى راگەهاند، ب سەرپەرشتیا محەمەد حەلبوسی سەرۆکێ پەرلەمانی و ب بەرهەڤبوونا عادل عەبدولمەهدی سەرۆک وەزیرێ دەست ژ کارکێشایی، پەرلەمانێ عێراقێ بۆ گۆتۆبێژکرنا بۆمبەبارانا ڕۆژا ئەینیا دەربازبوویی یا بەغدا، کو تێدا قاسم سولەیمانی و ئەبو مەهدی موهەندیس و چەند فەرماندارێن دی یێن حەشدا شەعبی جڤیا.

گوت ژی، فراکسیۆنێن کوردی و ئالیێن سوننە پشکداری ڕۆنشتنێ نەکرن، ١٦٨ پەرلەمانتار بەرهەڤبوون، ب ڤێ یەکێ ژی ڕێژەیا یاساییا ئەندامان بەرهەڤبوون، بۆ دەنگدان لسەر بڕیارا دەرکرنا هێزێن بیانی د عێراقێ دا.

ئەڤە ژی دەمەکێ دایە، عەبدولکەریم خەلەف پەیڤدارێ حکومەتا عێراقێ ڕاگەهاند، عادل عەبدولمەهدی بڕیاردایە ب سنوردارکرنا کارێن هێزێن ئەمریکی د ناڤ عێراقێ دا.

دازانین ژی، پشتی وێ بڕیارێ هێزێن هەڤپەیمانان بێ ڕازیبوونا فەرماندارێ گشتییێ هێزێن چەکدارێن عێراقێ ڕێ ب وان ناهێتەدان چ ڤەلڤینەکێ د عێراقێ دا ئەنجام بدەن.

س.م