سەرنووچە:

تەرمێن قاسم سولەیمانی و ئەبومەهدی موهەندیس ل کیڤە دێ هێنە ڤەشارتن ؟

فۆتۆ: 
2020-01-04

347 جار خوێندراوەتەوە

ب پشکداریا پشکەک ژ بەرپرسێن عێراقی د رێورەسمێن مالئاڤای کرن ژ تەرمێن قاسم سولەیمانی و ئەبومەهدی موهەندیس ل بەغدا برێڤەچوون، بریارە ئەبومەهدی موهەندیس ل نەجەفێ و قاسم سولەیمانى ل ئێرانێ بهێنە ڤەشارتن.

ئومێد محەمەد نووچەگەهانێ ئێن ئاڕ تى راگەهاند، بریارە ئەبومەهدی موهەندیس ل نەجەفێ بهێنە ڤەشارتن و قاسم سولەیمانى ژى بۆ ئیرانێ بهێتە هنارتن و ل رۆژا یەکشەمبێ ل کرمان بهێتە ڤەشارتن.

راگەهاند ژى، د رێورەسمێن مالئاڤای کرن ژ تەرمێن قاسم سولەیمانی و ئەبومەهدی موهەندیس ل بەغدا برێڤەچوون، ب پشکداریا پشکەک ژ بەرپرسێن عێراقی ژ وان ژى عادل عەبدولمەهدی سەرۆک وەزیرێ دەست ژکارکێشایێ عێراقێ بوویە.

رۆژا ئەینى ٣ێ چلەیێ بسەدەما بومبەبارانکرنا ترۆمبێلەکێ ل نێزیکى بالافرخانەیا بەغدا، قاسم سولەیمانى فەرماندارێ فەیلەقا قودس یا ئیرانى و ئەبو مەهدی موهەندسی جێگرێ سەرۆکێ دەستەیا حەشدا شەعبی هاتنە کوشتن.