سەرنووچە:

پۆمپیۆ هەژمارەک سەرکردەیێن حەشدا شەعبی ب تیرۆرست بناڤ دکەت

فۆتۆ: 
2020-01-01

254 جار خوێندراوەتەوە

وەزیرێ دەرڤەیێ ئەمریکا، هەر یەک ژ ئەبو مەهدی موهەندیس و قەیس خەزعەلی ب تیرۆرست بناڤ دکەت و هادی عامری و فالح فەیاز ژی ب کرێگرتیێن ئیرانی دزانیت، هەڤدەم وێنەیێ وان چار سەرکردەیێن حەشدا شەعبی بەلاڤ دکەت.

مایکۆ پۆمپیۆ وەزیرێ دەرڤەیێ ئەمریکا د تویتەکێ دا ڕاگەهاند، "هێرشا سەر بالیۆزخانەیا مە ل بەغدا ژ ئالیێ تیرۆرستان ئەبو مهدی موهەندیس و قەیس خەزعەلی هاتیە ڕێکخستن و هەڤدەم، ب هەڤکاریا هەر یەک ژ هادی عامری و فالح فەیاز کرێگرتیێن ئیرانێ بڕێڤەچوویە. وان هەموویان ژی ل دەرڤەی بالیۆزخانەیا مە وێنە گرتینە".

ئەڤە ژی دەمەکێ دایە، سپێدەهیا دوهی ژبەر هێرشا ئەمریکا بۆ سەر بارەگەهێن حەشدا شەعبی، بەشەک ژ سەرکردە و ئالیگرێن حەشدا شەعبى ل پێشیا بالیۆزخانەیا ئەمریکا ل بەغدا خڕڤەبوون، بەربارانا بالیۆزخانەیێ کرن و هێزێن ئەولەهیا عێراقێ ژی ل دەردۆرا دەرازینکا سەرەکى یا بالیۆزخانەیێ کڤانا ئەولەهیێ دروستکرن و ژبەر بکارئینانا گازا ڕۆندک ڕێژ ٦٢ کەس برینداربوون.

س.م