سەرنووچە:

خونیشاندانێن عێراقێ بەردەوامن و ل باژارێ ناسریە چالاکڤانەک هات کوشتن

ئاریشەیێن عێراقێ
فۆتۆ: 
2019-12-31

198 جار خوێندراوەتەوە

خونیشاندانێن عێراقێ بەردەوامن و ل باژارێ ناسریە چالاکڤانەک هات کوشتن و ل بەغدا ژى پشتى رەڤاندنا سەرۆک هوزەکێ رێیا ناڤبەرا بەغدا ــ سەلاحەدین هاتە داخستن.

میدیایێن عێراقێ راگەهاندن ، ئێڤاریا دوهى چەند چەکدارێن نە ناسکرى دەسترێژیا گولـلەیان ل چالاکڤانەکێ خونیشاندەران ب ناڤێ عەلی خالید خەفاجی کرن و ب وێ سەدەمێ گیانێ خۆ ژ دەست دا.

هەڤدەم ل باژارێ کەربەلا پێکدانان د ناڤبەرا خونیشانەران و هێزێن ئەولەهیێ روودا و وان هێزان بزاڤا بەلاڤکرنا خونیشاندەران دایە.

ژ ئالیەکی دى ڤە ل باژارێ بەغدا پشتى کو ژ ئالیێ چەند چەکداران ڤە ل دەڤەرا تاج یا سەرۆک هوزەک هاتە رەڤاندن و ژ ئالیێ خەلکێ دەڤەرێ رێیا ناڤبەرا بەغدا- سەڵاحەدين هاتە داخستن.