سەرنووچە:

عێراق.. پشکەکا پەرلەمانتاران دەست ژکارکێشانا سەرۆک کوماری رەتدکەن

فۆتۆ: 
2019-12-27

202 جار خوێندراوەتەوە

هەژمارەکا پەرلەمانتارێن عێراقێ ژ فراکسیونێن جوودا دەست ژکارکێشانا سەرۆک کومارێ عێراقێ ژ پۆستێ وى رەتکر.

عەبدو عیساوى ئەندامێ جڤاتا نوونەرێن عێراقێ ژ هەڤپەیمانیا دەولەتا یاسا د کونفرتسەکێ رۆژنامەڤانى دا دگەل هەژمارەکا پەرلەمانتارێن فراکسیونێن دی ئەنجامدایە و راگەهاند، د ڤێ قوناغا دژواردا کو خونیشاندەر ل سەرتاسەرى ولاتی داخوازا چاکسازیان و بەرهەنگاربوونا گەندەلیێ و پێگیربوون ب مادێن دستورى دکەن، و هەڤرکی هەیە کا کی دێ سەرۆک وەزیریێ وەرگریت.

عیساوى راگەهاند ژى، "دڤی دەمی دا ب سەرۆک کوماری دبێژین بەرژەوەندیا بلند دکەڤیتە د ستویێ هەوە دا و هوون پارێزەرێن دەستوری نە، داخواز دکەین پەشیمان ببە و بەرپرساتیا یاسایی و دەستورى د ڤی قوناغا مەترسیداردا ب ستویێ خۆ ڤە بگریت".

پەرلەمانتارێ دەولەتا یاسا گوت ژى، "بلا هەمى ئالیەک گوهدار بیت، ئەم وێ دەست ژکارکێشانێ رەت دکەین و پشتەڤانیا سەرۆک کوماری دکەین د تەمامیا رێکا وى دا".