سەرنووچە:

پەرلەمانێ عێراقێ روونشتنێن خۆ بۆ دەمەکێ نەدیار راگرت

فۆتۆ: 
2019-12-26

189 جار خوێندراوەتەوە

دگەل رەتکرنا ئەسعەد عیدانى بۆ پۆستێ سەرۆک وەزیرێ داهاتی ژ ئالیێ سەرۆک کومارێ عێراقێ ڤە و بەرهەڤبوونا خۆ نیشاندایە دەست ژکاربکێشیت، پەرلەمانێ عێراقێ روونشتنێن خۆ بۆ دەمەکێ نەدیار راگرت.

ئومێد محەمەد نووچەگەهانێ دیجیتال میدیایا ئێن ئاڕ تى ل بەغدا راگەهاند، پەرلەمانێ عێراقێ د دەما روونشتنا ئەڤرۆ دا داوى ب گۆتۆبێژێن لسەر پێشنیارا سەراستکرنا یەکەم یاسایا کارگیری یا دارایی یا فیدلرالی ئینا و دگەل دەستپێکرن ب گۆتۆبێژان لسەر پرۆژە یاسایا سەراستکرنا دووێ بۆ یاسایا خانەنشینا یەکگرتى، ب ئاوایەکێ ژنیشکەکێ ڤە روونشتنا خۆ بۆ دەمەکێ نەدیار راگرت.

بریارا جڤاتا نوونەرێن عێراقێ بۆ هەلاویستنا روونشتنا خۆ بۆ دەمەکێ نەدیار، هەڤدەم دگەل رەتکرنا سعەد عیدانى بۆ پۆستێ سەرۆک وەزیرێ داهاتی ژ ئالیێ سەرۆک کومارێ عێراقێ ڤە و بەرهەڤیا خۆ نیشاندایە بۆ دەست ژکارکێشانێ.

ئەسعەد عیدانی سێیەم بەربژێرێ سەرۆک وەزیریێ یە کو ژ ئالیێ خونیشاندەران ڤە دهێتە رەتکرن، پشتى کو خونیشاندەران هەر یەک ژ محەمەد شەیاع سودانی و قوسەی سوهەیل بۆ وى پۆستى رەتکرین.