سەرنووچە:

بەرەیێ تورکمانی: ئارتێشا ئەمریکا بیرێن نەفتا کەرکوکێ دپارێزن

ئالوزیێن عێراقێ
فۆتۆ: 
2019-12-24

227 جار خوێندراوەتەوە

پەیڤدارێ بەرەیێ تورکمانى یا عێراقێ راگەهاند، بیرێن نەفتا کەرکوکێ ژ ئالیێ لەشکەرێن ئەمریکا ڤە دهێن پاراستن.

محەمەد سامان پەیڤدارێ بەرەیێ تورکمانى ب ئاژانسا ئەنادۆلێ راگەهاند، ل ئەگەرێ پێکنەئینانا حکومەتێ ل بەغدا دێ دەڤەر کەڤیتە د ڤالاهیەکا یاسایێ دا و دێ ئاسایشا بیرێن نەفتا کەرکوکێ کەڤیتە ستویێ ئارتێشا ئەمریکا دا.

ئەو یەک ژى دایە دیارکرن، کو ئەو لەشکەرێن ئەمریکا کو ل بنگەهێ لەشکەرى یێ کەیوان بنەجهن بەریا دوو رۆژان ل ناڤەندا باژارێ کەرکوکێ هاتینە دیتن.

ناڤبرى گوت ژى،" دیتنا لەشکەرێن ئەمریکا ل ناڤەندا باژارێ کەرکوکێ پشتى چەندین سالان ژ بنەجهبوونێ ل بنگەهێ لەشکەریێ کەیوان جهێ سەرنجێیە".

ئەڤە ژى د دەمەکێ دایە، ب سەدەما خونیشاندان و لهەڤنەهاتنا ئالیێن سیاسى لسەر بەربژارێ سەرۆک وەزیرێن عێراقێ رەوش ئالوزە و ل چەند دەڤەرەکان چەکدارێن دعش هێرشان ئەنجام ددەن.