سەرنووچە:

ئەردۆغان: چێدبیت بنگەهێ لەشکەریێ ئەنجەرلیک دابئێخین

فۆتۆ: 
2019-12-15

256 جار خوێندراوەتەوە

سەرۆکێ تورکیا ڕاگەهاند، ئەگەر پێدڤی کر دێ بنگەهێن لەشکەریێن ئەنجەرلیک و کورەجیک یێن ئەمریکا کو د ناڤ ئاخا وان دایە، دائێخن.

میدیایێن تورکیا بەلاڤکرن، بەریا دەمەکێ ڕەجەب تەیب ئەردۆغان ڕاگەهاند، ژ ئەگەرا بەردەوامبوونا ئەمریکا ژ دانانا سزایان بسەر ئەنقەرە دا، ئەگەر پێدڤی کر دێ بنگەهێن لەشکەریێن ئەنجەرلیک و کورەجیک یێن ئەمریکا کو د ناڤ ئاخا تورکیا دانە، دائێخن.

پێشتر ژی مەولود چاوشئۆغلو وەزیرێ دەرڤەیێ تورکیا ڕاگەهاندبوو، ئەو دێ سیستەمێ بەڕەڤانیا ئێس-٤٠٠ یێ ڕووسی کڕن و ئەڤ یەک ژی چ کارناکەتە سەر وەرگرتنا بالەفڕێن ئێف-٣٥ یێن ئەمریکی.

بنگەهێ ئینجەرلیکێ لەشکەری ل ولاتێ تورکیایە و هەشت کیلۆمەتران ژ باژاڕێ ئەدەنە دوورە، ل سالا ١٩٩١ ئەمریکا ب مەرەما هێرشکرنا سەر حکومەتا عێراقێ و ڕژێما سەدام دروستکر. هەڤدەم بنگەهێ ڕاداڕ یێ کورەجیک دکەڤیتە مالاتیایا باکورێ کوردستانێ و ل سالا ٢٠١٢ێ ژ ئالیێ ناتۆیێ ڤە بۆ بەرسڤدانا مووشەکێن بالیستی هاتیە ئاڤاکرن.

س.م