سەرنووچە:

سەرۆک وەزیرێ کەنەدا: مە پلان هەیە یەک ملیۆن پەنابەرێن نوو وەرگرین

فۆتۆ: 
2019-12-15

626 جار خوێندراوەتەوە

سەرۆک وەزیرێ کەنەدا ڕاگەهاند، وان پلان هەیە د دەما دوو سالێن داهاتی دا پێشوازیێ ژ یەک ملیۆن پەنابەرێن نوو بکەن.

جەستن تڕۆدۆ سەرۆک وەزیرێ کەنەدا بەحسا پلانەکا نوو دکەت بۆ وەرگرتنا ملیۆنەک پەنابەرێن نوو د ناڤبەرا سالێن ٢٠٢٠ بۆ ٢٠٢٢ دا، هەروەسا هەلگرتنا باجێ لسەر وەرگرتنا ڕەگەزنامەیێ بۆ وان کەسێن کو مەرجێن داخوازکری تێدانە.

د بەیاننامەکێ دا کو تڕۆدۆ بۆ وەزیرێ کۆچێ یێ ولاتێ خۆ شاندیە بەحسا وێ یەکێ کریە، "دلخۆشین ب وان کۆچبەرێن نوو و دێ پشتەڤانیا وان کەین ژ بۆ کو بەرێ خۆ بدەنە ولاتێ مە ب پێدانا چەندین بەرنامەیێن پێدڤی، داخوازێ ژی لێ دکەین ل سنورێ کەنەدا بمینن، هەروەسا خزمەتگوزاریێن باش دێ پێشکەشی وان کەین"، داخواز ژ وەزیرێ کۆچێ ژی کریە ڕێخوشکرنێ بۆ بکەت.

داخوازکریە ژی، "ستارگەهەکا ئارام بۆ کۆچبەران دابینبکەن، ب تایبەت ژی بۆ وان کەسێن د بیاڤێ ڕۆژنامەڤانیێ دا کاردکەن و هەروەسا ئەوێن کو کار بۆ بەڕەڤانیکرن ژ بابەتێن پەیوەندی ب مافێن مرۆڤان ڤە هەیە دکەن"، ئەڤە ژی ب مەرەما ئاکنجیکرنا هەژمارەکا زێدە یا کۆچبەران د ئاخا کەنەدا دا.

ئەڤە ژی دەمەکێ دایە، د نها دا وەرگرتنا پەنابەران ل کەنەدا دەستپێکریە، کەنەدا دبیتە یەکەم ولات پێشوازیێ ژ هەژمارەکا وەسا یا زێدەیا پەنابەران بکەت د دەما دوو سالان دا.

س.م