سەرنووچە:

وەزارەتا پەروەردێ: دەنگۆیا گۆهەرتنا ناڤێ قوتابخانەکێ لسەر داخوازا كونسولێ وەلاتەکێ ژ ڕاستیێ دوورە.

بەرسڤا دەنگۆیا هندەک پەیجێن سۆشیال میدیایێ هاتیە دان
فۆتۆ: 
2019-12-14

317 جار خوێندراوەتەوە

راگەهاندنا وەزارەتا پەروەردەیا هەرێمێ زەلالکرنەک بەلاڤکر و تێدا بەرسڤا دەنگۆیا هندەک پەیجێن سۆشیال میدیایێ دایە.

راگەهاندنا وەزارەتا پەروەردێ ئاماژە کریە، " هندەک پەیجان ل سۆشیال میدیایێ دەنگۆیەک بەلاڤکرنە کو وەزیرێ پەروەردێ ناڤێ قوتابخانەیا قەندیل لسەر داخوازا کۆنسۆلێ دەولەتەکێ گوهەرتیە بۆ قوتابخانەیا سەرچنار ، ئەڤ نووچە بێ بنەمایە و ئارمانجێن پشت وان پرۆپاگەندەیان زەلالن".

وەزارەتێ راگەهاند ژى ، " گوهەرتنا ناڤێ قوتابخانەیێ د دەستهەلاتا رێڤەبەرێ گشتى یێ پەروەردێ دایە نەک وەزیرى".

د زەلالکرنێ دا ئەو یەک ژى هاتیە، " دەما وەزیرێ پەروەردێ ئەو نووچە گوهلێبوویە ، ل سەدەمان ڤەکۆلین کریە، دوو قوتابخانە ب ناڤێن قەندیل هەنە ژبەرکو ناڤێن وان هاتنە گوهەرتن وەزیرێ پەروەردێ فەرمانکریە ناڤێ قەندیل بۆ وان قوتابخانەیان بهێتە ڤەگەراندن و قوتابخانەیەکا دى دکەڤیتە گوندێ قەندیل ناڤێ وێ بکەنە قوتابخانەیا گوندێ قەندیل".