سەرنووچە:

ڤیدیۆیا ئەشکەنجەدانا زارۆکەکێ ژ ئالیێ دایکا وی ڤە کارڤەدان لپەی بوون

فۆتۆ: 
2019-12-14

991 جار خوێندراوەتەوە

ڤیدیۆیا دایکەکا خەلکا ولاتێ میسرێ کو ب ئاوایەکێ توندوتیژانە زارۆکێ خۆ دقوتیت، ب ئاوایەکێ بەرچاڤ د تۆڕێن جڤاکی دا بەلاڤبوویە و بوویە جهێ دلگرانیا بکارئینەران.

ڕووپەلا ڕوسیا تودەی بەلاڤکریە، وەک د ڤیدیۆیێ دا دەردکەڤیت دایکەک چەند شەقکا ل زارۆکێ خۆ ، پشتڕا ب پالدانێ ل عەردی ددەت، دبێژیتێ، "بلا بابێ تە بهێت تە ببەتە دەف خۆ"، ئەڤە ژی ژبەر وێ یەکێ کو هەڤژینێ وێ ژێ جودابوویە و هەڤژینی دگەل کەسەکێ دی پێکئینایە.

بەلاڤبوونا ڤیدیۆیێ کارڤەندانێن مەزن د تۆڕێن جڤاکی دا ل دیف خۆ ئینان، بکارئینەرێن تۆڕێن جڤاکی داخوازکرنە ئالیێن پەیوەندیدار دیڤداچوونا بابەتی بکەن، بابێ وی ببەتە دەف خۆ ل دەف دایکا وی نەهێلیت.

پشتی ڤێ یەکێ ژی ڕووپەلا "أطفال مفقودة" ل فەیسبووکێ وێنەیێ دایکا وی زارۆکی بەلاڤکریە و تەکەزکریە ژ وێ یەکێ کو دێ ڕێکارێن پێدڤی گرنەبەر و ئالیێن پەیوەندیدار لسەر ڤێ یەکێ ئاگەهدارکەن.

هەروەسا بەحسا وێ یەکێ ژی کریە، کو دایکا وی دەربارەی بوویەرێ گوتیە، "خۆ من ب ئاگری نە شەوتاندیە".

سەبری عوسمان ڕێڤەبەرێ هێلا هەوارهاتنا زارۆکان ڕاگەهاندیە، "دەستەیا نیشتیمانی بۆ دایکان و زارۆکان" لیژنەیەک پێکئینایە بۆ ئاشکراکرنا ڕاستیا وێ بوویەرێ، هەروەسا پۆلیس ژی لسەر بوویەرێ ئاگەهدارکرنە.

س.م