سەرنووچە:

چاڤکانیەک: ئالی لسەر بەربژارکرنا سەرۆک وەزیرێ عێراقێ لهەڤهاتنە

فۆتۆ: 
2019-12-14

6008 جار خوێندراوەتەوە

چاڤکانیەکێ ڕاگەهاند، ئالی لسەر بەربرژارکرنا محەمەد شیاع سودانی بۆ پۆستێ سەرۆک وەزیرێ نوو یێ عێراقێ لهەڤهاتن و ڕۆژا دووشەمبیا داهاتی ژی، دێ مەرسومەک بۆ دەستبکاربوونا ناڤبری وەک سەرۆک وەزیرێ کاربڕێکەر هێتە دەرکرن و موقتەدا سەدر ژی دگەل وی بەربژاری دا نینە.

ژێدەرەکێ بۆ دیجیتال میدیایا ئێن ئاڕ تی ڕاگەهاند، د نها دا دیارترین ناڤ بۆ وەرگرتنا پۆستێ سەرۆک وەزیرێ نوو یێ عێراقێ محەمەد شیاع سودانییە و ژ سەدێ ٨٠ یا ئالیان لسەر وی بەربژاری ڕازینە.

بەحسا وێ یەکێ ژی کر، تنێ موقتەدا سەدر ئاریشە دگەل سودانی دا هەیە بۆ وەرگرتنا پۆستی، هێشتا یەکلانەبوویە ژ ئەگەرا ئەرکدارکرنێ ژ ئالیێ سەرۆک کۆماری ڤە، دێ سەدر پشتەڤانیێ لێ کەت یان نە.

ڕۆژا دووشەمبی دەمژمێر ١٢ێ شەڤێ ئەو دەمە دێ ب داویی هێت کو لگۆری دەستوری هاتیە دیارکرن بۆ ئەرکدارکرنا کەسەکێ ژ ئالیێ سەرۆک کۆماری ڤە بۆ پۆستێ سەرۆک وەزیرانێ نوو یێ عێراقێ.

ئەڤە ژی دەمەکێ دایە دوهی محەمەد شیاع سودانی دەست ژ کارکێشانا خۆ ل حزبا دەعوە کو نوری مالیکی سەرۆکاتیێ لێ دکەت ڕاگەهاند و دازانین، ئەو بەربژارێ چ حزبەکێ نینە بۆ پۆستێ سەرۆک وەزیران.

س.م