سەرنووچە:

دوو رێکخەرێن خۆنیشاندانێن بەغدا بێ سەروشینن

یێ دوهی چارشەمبێ
فۆتۆ: 
2019-12-12

211 جار خوێندراوەتەوە

پشتی کو ئێڤاریا دوهی چارشەمبێ دوو رێکخەرێن خۆنیشاندانێن بەغدا ب مەرەما پشکداری کرن د خۆنیشاندانێن گۆڕەپانا تەحریر ل بەغدا دەرکەفتینە هەیا نها بێ سەروشینن.

نوچەگەهانێ دیجیتال میدیایا ئێن ئاڕ تی ڕاگەهاند، هەریەک ژ عومەر کازم عامرى و سەلمان خەیرولا مەنسورى یێ دوهێ ڕۆژا چارشەمبێ ل باژارێ بەغدا ل مالێن خۆ بەرەڤ ناڤچەیا کازمییە بۆ کریێنا خێڤەتێ و چەند کەلوپەلێن دی ب مەرەما پشکداریکرن د خۆنیشاندانان دا دەرکەفتینە و هەیا نها بێ سەرو شینن.

هەڤالێن وان د ناڤ خۆنیشاندانان ڤە بەحسا وێ یەکێ کرنە، ئەو نزانن ژ ئالیێ حکومەتێ ڤە هاتنە دەستەسەرکرن یان هاتنە ڕەڤاندن، لێ ئەو باش دزانن وانا زەرەر ب کەسێ نەگەهاندیە و یەک بوون ژ ڕێکخەرێن خۆنیشاندانێن عێراقێ و تنێ ئالایێ عێراقێ بلند کریە و ڕۆلەکێ باش ل بڕێڤەچوونا خۆنیشاندانێن ئاشتیانە هەبوویە، هەروەسا خارن و چەندین کەلوپەلێن دی بۆ خۆنیشاندەران دابینکرنە.

هەڤدەم هەڤالێن وان داخواز ژ حکومەتێ دکەن ئەرکێ پاراستنا خۆنیشاندەران بئێخنە ملێن خۆ و دبێژن، " ئیدی بەسە دەستەسەرکرنا رۆلێن ڤی وەلاتی".

ئەڤە د ەمەکێ دایە، کو ژ دەستپێکا مەها دەربازبووی وەلاتیێن باژارێ بەغدا و بژارێن دیێن عێراقێ دژی نەبوونا خزمەتگوزاریێ و دەلیڤەیا کاری و گەندەلیێ خۆنیشادانان دەستپێکرنە و ب وێ سەدەمێ ژی زێدەتری ٥٠٠ کەس هاتنە کوشتن و نێزیکی ١٨ هزار کەسێن دی ژی برینداربوونە.

س.ع