سەرنووچە:

ئەمریكا.. لیژنەیا کاروبارێن دەرڤە یا جڤاتا پیران سزایێن سەر تورکیایێ پەسەندکرن

ب کۆما ١٨ دەنگان
فۆتۆ: 
2019-12-11

327 جار خوێندراوەتەوە

لیژنەیا کاروبارێ دەرڤەیا جڤتا پیرێن ئەمریکا، ب سەدەما کڕینا موشەکێن ئێس ٤٠٠ یا ڕوسی ژ ئالیێ تورکیا ڤە و هێرشکرنە سەر ڕۆژئاڤا، بڕیارا سەپاندنا سزایان بسەر وی وەلاتی دا پەسەند کر.

ئەڤرۆ چارشەمبێ، ب کۆما دەنگان لیژنەیا کاروبارێ دەرڤەیا جڤاتا پیرێن ئەمریکا سزا ب سەر تورکیا دا پەسەند کرن و بڕیارە ژی سوبەهی ١٢ێ کانونێ د جڤاتا پیران دا بئێخنە دەنگدانێ.

هەڤدەم ئەو بڕیار ب ١٨ێ دەنگێن بەلێ و ٤ دەنگێن نەخێر هاتە پەسەندکرن.

ژ ئالیەکێ دی ڤە، ڕۆبێرت، مێنێندێز، کو سیناتۆرەکێ دیموکراتانە و د تویتەرە خۆ دا بەلاڤکریە، " کریارێن تورکیا ب ڤان سالێن داویێ دا هەموو سنورەک دەرباز کریە، یاسا ژی ڤێ یەکێ پشت ڕاست دکەت، هەروەسا ئەو کارێن کو لهەمبەر سوریا ئەنجام داینە ناهێنە قبولکرن".

بەحسا وێ یەکێ ژی کریە، " کڕینا سیستمێ موشوکێن ئێس ٤٠٠ یا ڕوسی ژ ئالیێ تورکیاڤە، هەژی لیبورینێ نینە".

لگۆڕەی یاسایێن ئەمریکا ئەڤ سزایێن کو وەسا بڕیارە سوبەهی بسەر تورکیا دا بسەپینن، هاتیە دیارکرن و ناڤێ سزایا ڕوبڕوبوونا وەلاتێن دژی ئەمریکانە.

سزا پێکدهێن ژ قوتکرنا پەیوەندیێن دیبلۆماسی و بازرگانی و پیشەسازی ولەشکەریێن ئەمریكا دگەل وەلاتێن هاتینە سزادان، پێشتر ژی ئەمریکا ئەڤ جۆرێن سزایان بسەر هەریەك ژ ئێرانێ و كۆریا باكور و چەند وەلاتێن دی دا سەپاندیە.

س.ع