سەرنووچە:

وێنە.. ڤەشارگەهەکا بن عەردیا ئیرانێ ل سوریا هاتە ئاشکرا کرن

فۆتۆ: 
2019-12-11

337 جار خوێندراوەتەوە

ئارتێشا ئیرانێ ل نێزیک سنورێ عێراقێ ل دەڤەرا ئەلبوکەمال یا سوریایێ ڤەشارگەهەک ب درێژاهیا ١٢٠ مەتران دروست کریە.

ئاژانسا فۆکس نیوز بەلاڤکر، ل ڕۆژهەلاتا سوریایێ و ژ ئالیێ دەستهەلاتدارێن ئیرانێ ڤە ڤەشارگەهەکا لەشکەری هاتیە دروستکرن، کو درێژاهیا وێ ١٢٠ مەترە و پانیا وێ ژی ٤ بۆ ٥ مەترایە و بارهەلگرێن لەشکەری هاتنوچونێ تێدا دکەن.

بەحسا وێ یەکێ ژی هاتیە کرن، ئەو ڤەشارگەهـ ژ ئالیێ ئارتێشا ئیرانێ بۆ مەرەما عەمبارکرنا چەک و تەقەمەنیێ دهێتە بکارئینانان.

لگۆڕەی وان وێنەیێن کو کۆمپانیەکا ئیسڕائیلێ بڕێیا هەیڤێن دەستکرد گرتنە، دەردکەڤیت ئەو ڤەشارگەهـ ل بنگەهێ لەشکەریێ ئیمام عەلی ل دەڤەرا ئەلبوکەمال یا سەر سنورێ سوریا و عێراقێ هاتیە دروستکرن.

ئەڤەژی د دەمەکێ دایە، کو ل پشتی ٢٠١١ ێ ب سەدەما ئالۆزیێن ئەولەهیێن سوریا، ئاخا وی وەلاتی بوویە گۆڕەپانا هەڤڕکیا وەلاتێن دەڤەرێ و ب تایبەت هەریەک ژ ئیران و ئەمریکا و تورکیایێ.

س.ع