سەرنووچە:

گەریلایان ڤیدیۆیا چالاکیەکا خۆ بەلاڤکرن و کوشتنا ٣٠ لەشکەران تێدا ڕاگەهاند

فۆتۆ: 
2019-12-11

12961 جار خوێندراوەتەوە

ڕووپەلا گەریلا تیڤی یا گرێدای هێزێن پاراستنا گەل-هەپەگێ ڤیدیۆیەکا دی یا چالاکیێن خۆ ل دەڤەرا هەڤتەنینا سەر ب قەزا زاخۆ بەلاڤکر، ڕاگەهاند د چالاکیان دا ٣٠ لەشکەر هاتنە کوشتن.

دەربارەی گرتەیا ڤیدیۆیێ ناڤەندا ڕاگەهاندن و چاپەمەنیا هێزێن پاراستنا گەل-هەپەگێ ڕاگەهاندنەک بەلاڤکر و دازانین، ڕۆژا ٢٥ێ  جۆتمەها دەربازبوویی هێزێن وان ل گرێ کۆنفرانسێ و سیسەرێ یێن دەڤەرا هەفتەنینا گرێدای قوزا زاخۆ ل باشورێ کوردستانێ، ژ هەشت باسکان (ئالیان) ڤە دەربازی ناڤ چەپەرێن ئارتێشا تورکیا بوونە و د ئەنجاما شەڕێ ڕاستەڕاست دا زێدەتری ٣٠ لەشکەران هاتنە کوشتن و هەژمارەکا زێدە ژی برینداربوونە.

بەحسا وێ یەکێ ژی کریە، ل گرێ کۆنفەرانسێ ٧ کابینە و دوو ستارگەهێن ئارتێشا تورکیا، هەروەسا ل گرێ سیسەرێ ژی ستارگەهەک ب تەمامی هاتنە هەرفاندن و ژناڤبرن.

هەر د ڕاگەهاندنا خۆ دا هەپەگێ دیارکریە ژی، پشتی ڤان چالاکیان ئارتێشا تورکیا، ب هەلیکۆپتەران کوشتی و بریندارێن خۆ ل دەڤەرێ ڕاکرنە، پشتڕا ب دژورای ئەو جهە ب هاون و چەکێن گران تۆپباران کرینە.

بۆ دیتنا ڤیدیۆیێ ڤێرە کلیک بکە...

س.م