سەرنووچە:

تورکیا گەفان ژ ئەمریکا دکەت

ژ ئەگەرێ بەردەوام بوونا سزادانا تورکیا
فۆتۆ: 
2019-12-11

399 جار خوێندراوەتەوە

وەزیرێ دەرڤەیێ تورکیا ڕاگەهاند، ژ ئەگەرێ بەردەوام بوونا سزایێن ئەمریکا بۆ سەر تورکیا، ئەم ژی دێ پرسا هەردوو بنگەهێن لەشکەریێن ئینجەڕلیک و کوڕەجیک یێن ئەمریکا ل تورکیا بەحس کەین.

مەولود چاوش ئۆغلۆ وەزیرێ دەرڤەیێ تورکیا ئەڤرۆ (١١ کانونا ٢٠١٩ێ)  ڕاگەهاند، پێدڤیە ئەندامێن کۆنگرێسا ئەمریکا ل وێ یەکێ تێبگەهن سەپاندنا سزایان بسەر تورکیا ئەنجامێن باش  نابن، تورکیا ژی دێ مژارا هەردوو بنگەهێن لەشکەریێن ئەنجەرلیک و کورەجیک یێن ئەمریکا ل وی وەلاتی دهێنە بەحسکرن،" ئەو ژی ب ڕامانا پێداچوون ب مانا بنگەهێن ئەمریکا ل تورکیا دهێت".

دایەزانین ژی،" ئەم دخوازین سیستمێ بەڕەڤانیێ ئێس ٤٠٠ یێن ڕوسی بکڕین، ئەڤەژی چ کارتێکرنێ لسەر بالەفرێن ئێف ٣٥ یێن ئەمریکی ناکەت، ژبەر کو تورکیا ب خۆ ئێکە ژ هەڤپەیمانێن پەرەپێدانا وێ بالەفڕا شەڕی، ئەڤەژی ڕامانا وێ یەکێ دگەهینیت کو تورکیا زانیاریان لسەر چەکێ ئەمریکا ب ڕوسیا نادەت.

بنگەهێ لەشکەریێ ئەنجەرلیک ل تورکیایێ ٨ کیلۆمەتران ل ڕۆژهەلاتا ئەدەنێ دوورە، کو ژ ١٩٩١ ئەمریکا ب مەرەما هێشکرنە سەر حکومەتا عێراقێ  و ڕژێما سەدام حسینێ دروستکرد،هەروەسا د دەمێن جودا دا ژ ئالیێ هەریەک ژ بەرێتانیا و تورکیا هاتیە بکارئینان، هەڤدەم بنگەهێ کورەجیک دکەڤیتە پارێزگەها مالاتیا ل باکورێ کوردستانێ کو ل ٢٠١٢ ژ ئالیێ ناتۆیێ بۆ بەرسڤدانا موشەکێن بالیستی هاتیە دروستکرن.

س.ع