سەرنووچە:

بەشەک ژ وەلاتیێن گوندێ ئەڤریکێ ژبەر نەبوونا کارەبا نیشتیمانی خڕڤەبوون

ب سەدەما نەبوونا کارەبایا نیشتیمانی
فۆتۆ: 
2019-12-10

653 جار خوێندراوەتەوە

دیجیتال میدیایا ئێن ئاڕ تی، دهۆک، تایف گۆران

هەژمارەکا وەلاتیێن گوندێ ئەڤریکێ یا سەر ب دهۆکێ ب سەدەما نەبوونا کارەبایا نیشتیمانی خڕڤەبوونەکا نەڕازیبوونێ لدارخستن.

نوچەگەهانێ دیجیتال میدیایا ئێن ئاڕ تی ڕاگەهاند، دەمژمێر ٦ێ ئێڤاریا ئەڤرۆ سێشەمبێ (١٠ کانونا ٢٠١٩ێ) ئاکنجیێن گوندێ ئەڤریکێ یا سەر ب دهۆکێ ب سەدەما نەبوونا کارەبایا نیشتیمانی خڕڤەبوونەکا نەڕازیبوونێ لدارخستن.

وەلاتیەکێ وی گوندی بۆدیجیتال میدیایا ئێن ئاڕ تی ڕاگەهاند، " دەمێ چار ڕۆژ و سێ شەڤایە نێزیکی ٤٠ مالا کارەبایا نیشتیمانی نینە و دبێژیت ئاڤا گەرم نینە زارۆکێن مە نەشێن ئاڤا سار بکاربینن و د نها دا ژی ڕەوشامە گەلەک خرابە و زێدەباری ئاگەهدارکرنا ئالیێن پەیوەندیدار لێ بێدەنگی هەلبژارتنە ب دیڤ هاوار و ڕەوشا خرابا وان نەهاتنە ".

وەلاتیەکێ دی بەحسا وێ یەکێ کر، زێدەباری نەبوونا کارەبایا نیشتیمانی هەیا نها نەفتا سپی ژی ب سەر وەلاتیێن ڤی گوندی نەهاتیە پارڤەکرن و داخوازا وێ یەکێ دکەن ب زووترین دەم کارەبایا نیشتیمانی و نەفتێ بۆ وان دابین کەن.

ئەڤە د دەمەکێ دایە، کو ئەڤرۆ وەزیرێ کارەبایا حکومەتا هەرێمێ کوردستانێ دڕوونشتنا ئەڤرۆیا پەڕلەمانی دا ڕاگەهاند،" رۆژانە ١٧ دەمژمێرێن کارەبایا نیشتیمانی بسەر وەلاتیان دا دهێتە پارڤەکرن.

س.ع

 

س.ع