سەرنووچە:

فینلەندا.. ژنەک دێ بیتە گەنجترین سەرۆک وەزیر د جیهانێ دا

فۆتۆ: 
2019-12-09

483 جار خوێندراوەتەوە

سانا مارین، یا تەمەن ٣٤ سال د نها دا سەرۆک وەزیرا ڤەگوهاستن و گەهاندنا فینلەندایە، بۆ بوونە سەرۆک وەزیرا وی ولاتی هاتیە بەربژارکرن، ب وێ یەکێ ژی دێ بیتە گەنجترین سەرۆک وەزیر د جیهانێ دا.

ڕووپەلا بی بی سی بەلاڤکر، پشتی کو ئانتی ڕین سەرۆک وەزیرا فینلەندا دەست ژ کارکێشای، سانا مارین ژ ئالیێ پارتا خۆ ڤە یا بناڤێ سۆشیال دیموکراتا فینلەندا بۆ پۆستێ سەرۆک وەزیرا وی ولاتی هاتە بەربژارکرن و دهێتە چاڤەڕێکرن کو ل داویا ڤێ حەفتیێ سوندا یاسایی بخوت و دەستبکار بیت.

هەڤدەم، سانا مارین بۆ پێکئینانا حکومەتا نوو سەرۆکاتیا هەڤپەیمانیەکێ دکەت کو ژ چار پارتێن چەپ یێن دی پێکدهێت و سەرۆکێن هەر چار پارتان ژی ژنن و تەمەنێ سێ ژ وان کێمتری ٣٥ سالیێ یە.

د پسیارەکا ڕۆژنامەڤانان دا یا دەربارەی تەمەنێ وێ، سانا مارین د بەرسڤ دا گوت، "من چجارا هزر د تەمەن یان ڕەگەزێ دا خۆ نەکریە، ئەوا ل دەف من گرنگە، زڤڕاندنا باوەڕیا گەلێ منە بۆ حکومەتێ".

ئەڤە ژی دەمەکێ دایە، گەنجترین سەرۆک وەزیر د جیهانێ دا بناڤێ ئۆلێکسی هۆنکارۆک، سەرۆک وەزیرێ ئۆکرانیا یە ب تەمەنێ ٣٥ سالیێ، لێ ب دەستبکاربوونا سانا مارینا فینلەندی، چ دی سەرۆک وەزیرێ ئۆکرانیا ب گەنجترین سەرۆک وەزیر د جیهانێ دا نامینیت.

س.م