سەرنووچە:

وەزارەتا چاندنێ: مە سکالا لسەر سەختەکرنا نڤیسارەکێ تۆمارکریە

 نڤیسارەک ب ناڤێ وەزارەتا وان هاتیە سەختەکرن
فۆتۆ: 
2019-12-08

239 جار خوێندراوەتەوە

وەزارەتا چاندنێ و ژێدەرێن ئاڤێ یا حکومەتا هەرێمێ ڕاگەهاند، دەربارەی سەختەکرنا نڤیسارەکا وەزارەتا وان داخوازا یاسای پێشکەشی دادگەهێ کریە.

بێگەرد تالەبانی وەزیرا چاندنێ و ژێدرێن ئاڤێ دیارکر،" وان داوایکاریا یاسای پێشکەشی دادگەهێ کریە، هەیا کو ڕێکارێن یاسایی لهەمبەری کەسێ کو نڤیسارەک ب ناڤێ وەزارەتا وان سەختەکریە، کو ب مەرەما ئینانا دوینگێ جەمەدی نڤیسارەک ساختەکربوو".

د نڤیسارەکێ دا کو ژ ئالیێ وەزارەتا چاندنێ بۆ دادوەرێ دادگەها ڤەکۆلینا هەولێرێ هاتیە شاندن، تێدا هاتیە " ب مەرەما وەرگرتنا ڕێکارێن یاسای بۆ لڤاندنا سکالایێ ل دژی کۆمپانیا ئەنسکۆ بۆ بازرگانیا گشتی، کو هەستایە ب سەختەکرنا نڤیسارەکا وەزارەتا مە، ژ بەر وێ یەکێ داخواز ژ هەوە دکەین ڕێکارێن یاسای وەرگرن".

ئەڤەژی پشتی وێ یەکێ هات سۆران عومەر، پەڕلەمانتارێ فراکسیۆنا کۆمەل د پەڕەیێ خۆیێ تۆڕاجڤاکیا فەیسبوکێ بەحسا وێ یەکێ کربوو، " کۆمپانیەک ب نڤیسارەکا ساختەیا وەزیرا چاندنێ، خواستیە ١٠ هزار دوینگێن جەمەدی ب قارچاغ بشینیتە هەرێمێ".

هەڤدەم هەر دوهی ژی پەیڤدارێ وەزارەتا چاندنا هەرێمێ ڕاگەهاند، نڤیسارەکا ساختە ب ناڤێ وەزەتا چاندنێ هاتیە نڤیسان بۆ ئینانا دوینگێ قەدەغەکری، بەحسا وێ یەکێ ژی کرنە کو دەست ب گرتنەبەرا ڕێکارێن یاسای هاتنە کرن.