سەرنووچە:

رەوتا سەدر: بارەگەهێ سەرەکی یێ موقتەدا سەدر ل نەجەف هاتە بومبەباران کرن

فۆتۆ: 
2019-12-07

365 جار خوێندراوەتەوە

ڕەوتا سەدر ڕاگەهاند، بارەگەهێ موقتەدا سەدر سەرۆکێ وێ ڕەوتێ ب بالەفرکا بێ بالەفرڤان هاتیە بۆمبەباران کرن.

محەمەد سالح یەک ژ نێزیکێن موقتەدا سەدر ڕاگەهاند، سەرێ سپێدەهیا ئەڤرۆ شەمبیێ ٧ێ کانونا ٢٠١٩ێ بارەگەهێ موقتەدا سەدر سەرۆکێ ڕەوتێ ب بالەفرەکا بێ بالەفرڤان ل نەجەف هاتیە بۆمبەباران کرن.

سالح د ڕاگەهاندنەکێ دا لسەر پەڕەیێ تایبەتێ خۆ گوتیە، "بۆمبەباران پشتی فەرمانێن سەدر هاتنە کو داخواز ژ چەکدارێن ڕەوتا خۆ کریە کو ب (کولاڤ شین) هاتنە بناڤکرن، پارێزگاریێ ژ خۆنیشاندەرێن شەڤا دەربازبوویی یێن بەغدا و نەجەفێ بکەن".

بەحسا وێ یەکێ ژی کریە، "ئەوا گرنگ پارێزگاریکرنە ژ خۆنیشاندەر و پاراستنا سەلامەتیا گیانێ وان".

د داویا ڕاگەهاندنا خۆ دا ئەو یەک ژی دایەزانین، "ڤەکۆلین بەردەوامن و گەل و سەرۆک ژی د مەترسیێ دایە".

خۆنیشاندانێن عێراقێ ل دەستپێکا مەها جۆتمەها دەربازبوویی هەیا نها بەردەوامی هەنە، شەڤا دەربازبوویی ژی ژبەر دەستڕێژیا گولەیێن چەند چەکداران ل بەغدا ٢١ کەس هاتنە کوشتن و زێدەتری ٧٠ کەسێن دی ژی برینداربوونە.

س.م