سەرنووچە:

تیمەکا نەوەی نوێ بۆ نووژەنکرنا پرا گوندێ کەونەباک دێ سەرەدانا قەزا بەردەڕەش دکەت

پشتى بەلاڤبوونا وێنەیێن خویندکاران لسەر وێ پرێ دەما دەربازبوونێ دا
فۆتۆ: 
2019-12-07

2037 جار خوێندراوەتەوە

ڤەلڤینا نەوەى نوێ بریاردا پرا گوندێ کەونەباک یا سەر ب قەزایا بەردەڕەش ڤە ب ستویێ خۆ ڤە بگریت و درۆست بکەت.

نووچەگەهانێ دیجیتال میدیایا ئێن ئاڕ تى راگەهاند، پشتى وێنە و ڤیدیۆیێن دەما دەربازبوونا خویندکاران ژ پرا گوندێ کەونەباک یا سەر ب قەزایا بەردەڕەش ڤە د توورێن جڤاکى دا بەلاڤبووین، ڤەلڤینا نەوەى نوێ بریاردا وێ پرێ ب ستویێ خۆ ڤە بگریت و درۆست بکەت، ئەو پر د سالا دەربازبووى دا بسەدەما بارینا بارانەکا زێدە ئەو خراببوویە، ئاستەنگی بۆ وەلاتیان درۆستبوونە.

دازانین ژى، بریارە د چەند رۆژێن داهاتی دا تیمەکا نەوەى نوێ سەرەدانا وێ پرێ بکەت.

ئەڤە ژى د دەمەکێ دایە کو تێما ڤەلڤینا نەوەى نوێ بزاڤێن رژد بوو نووژەنکرن و درۆستکرنا چەندین پرۆژان وەک نووژەنکرنا پرا سماقولی و تونێلا دەربەندیخان و پشکەکا جادەیێن هەلەبچە و نووژەنکرنا هولا محەمەد عارفێ جزیر ل دهۆکی و نووژەنکرنا باخچەیەکێ ل رانیە و باخچەیەکی دی ل کەرکوکێ کریە، لێ زێدەباری رێگریێن حکومەتا هەرێمێ پشکەکا وان پرۆژان نووژەنکرنە.