سەرنووچە:

بۆچی عەبدولمەهدی ل شوونا بجیهێلانا پۆستێ خۆ دەست ژ کارکێشا؟

هوورکاریێن بڕیارا دەست ژ کارکێشانا عەبدولمەهدی
فۆتۆ: 
2019-12-06

1251 جار خوێندراوەتەوە

د یەکەم جڤینا جڤاتا وەزیران دا پشتی دەست ژ کارکێشانێ، عادل عەبدولمەهدی سەدەما دەست ژ کارکێشانا خۆ و بجی نەهێلانا پۆستێ خۆ ئاشکراکر.

عادل عەبدولمەهدی سەرۆکێ دەست ژ کارکێشایێ حکومەتا عێراقێ د جڤینا جڤاتا وەزیران دا بەحسا وێ یەکێ کر، تنێ دوو بژاردە ل پێشیا وی هەنە، یان دەست ژ کارکێشان یان ژی بجیهێلان و ڤالاکرنا پۆستێ  خۆ بێ دەست ژ کارکێشان.

بەحاسا وێ یەکێ ژی کریە، "ئەگەر بژاردەیا دوویێ جیبجیکربا، وی دەمی سەرۆک کۆمار دا جهێ سەرۆک وەزیران ڤەگریت و ب وێ یەکێ ژی ڕەوش دا ئالۆزتر بیت".

دبێژیت ژی، ژ پێخەمەت ئارامیا ولاتی و پاراستنا خوینا عێراقیان دەست ژ کارکێشانا خۆ ژ پۆستێ خۆ ڕاگەهاندیە.

دەربارەی وێ چەندێ بۆچی ل دەستپێکا خۆنیشاندانان دەست ژ کارنەکێشا دایەزانین، "ل دەستپێکا خۆنیشاندانان ڕەوشا عێراقێ ب ئاوایەکێ تێکچوبوو، کو نەدبوو پێنگاڤەکا وەسا بهاڤێژم کو چێدبیت ئالۆزی و خوینڕێتنا زێدەتر دروستببا".

ئەوی یەک ژی دیارکریە، ڕەوشا نها یا عێراقێ خۆ لبەر حکومەتا کاربڕێکەر ناگریت و هیڤیخوازە د دەما وان ١٥ ڕۆژێن دیارکری دا سەرۆک کۆمار کەسەکێ بۆ پۆستێ سەرۆکێ نوو ئەرکدار بکەت.

ڕۆژا ٢٩ێ مەها دەربازبوویی دبن گڤاشتنێن خۆنیشاندەران دا عادل عەبدولمەهدی دەست ژ کارکێشانا خۆ ژ پۆستێ سەرۆک وەزیران ڕاگەهاند، ب ڤێ یەکێ ژی حکومەتا عێراقێ بوو حکومەتا کاربڕێکەر.

س.م